କଟକ: ଆଉ କେଇଟା ଦିନ ପରେ ଆନନ୍ଦ ଉଲ୍ଲାସରେ ପାଳନ ହେବ ଆଲୋକର ପର୍ବ ଦୀପାବଳି । ସବୁଠି ଦେଖିବାକୁ ମିଳୁଛି ମାଟି ଦୀପର ପସରା । ମନ ମୋହୁଛି ଭଳିକି ଭଳି ମାଟି ଦୀପ ।  କଟକ ଜିଲ୍ଲା ସାଲେପୁର ବ୍ଲକ କ୍ରିଷ୍ନାପୁର,ରାଇସୁଙ୍ଗୁଡା ଦୀପ କାରିଗରଙ୍କ ଗ୍ରାମ । ଗାଁରେ ଘରେ ଘରେ ମହିଳାଙ୍କଠୁ ଆରମ୍ଭ କରି ପୁରୁଷଙ୍କ ପର୍ଯ୍ୟନ୍ତ ଲାଗି ପଡିଛନ୍ତି ଦୀପ ତିଆରି କରିବାରେ । ସମସ୍ତଙ୍କ ହାତରେ ବିଭିନ୍ନ ଆକାରର ଦୀପ ଛାଞ୍ଚ, ପାଉଁଶ,ଆଉ ଛୁରୀ । ପ୍ରଥମେ ମାଟି, ବାଲିକୁ ଭଲ ଭାବରେ ଚକଟି ଗୁଳା ବା ସାଇଜି ଅନୁସାରେ ପେଡା ଆକୃତି କରାଯାଏ ।

ଛାଞ୍ଚରେ ଅଳ୍ପ ପାଉଁଶ ଦେଇ ସେହି ପେଡା ଆକୃତି ମାଟିକୁ ଛାଞ୍ଚରେ ରଖି ଅବଶିଷ୍ଟ ମାଟିକୁ ଛୁରୀ ଦ୍ୱାରା ବିଭିନ୍ନ ଆକାରରେ କାଟି କଞ୍ଚା ଦୀପକୁ ଖରାରେ ସୁଖେଇ ଭାଟିରେ ସାଇଜିରେ ରଖି ପୋଡା ଯାଏ । ଏହାପରେ ସେହି ଦୀପ ବଜାରକୁ ଆସେ । ଏହି ହାତ ତିଆରି ଦୀପକୁ ସ୍ଥାନୀୟ ବେପାରୀଠୁ ଆରମ୍ଭ କରି ଜିଲ୍ଲା ବାହାରକୁ ବିକ୍ରୀ ପାଇଁ ପଠାଯାଏ ।

ଦୀପାବଳିରେ ବାଣ ଫୁଟାଇବାକୁ କଟକଣା ଲଗାଇଲେ ସୁପ୍ରିମକୋର୍ଟ

ଦୀପ ତିଆରି କରିବା ପାଇଁ ମାଟି ସହିତ ବାଲି ସମସ୍ୟା ଦେଖା ଦେଲାଣି । ପୂର୍ବରୁ ଯେଉଁ ଭଳି ଭାବରେ ଘର ପାଖରେ ମାଟି, ବାଲି ମିଳୁଥିଲା ତାହା ଏବେ ମିଳୁନାହିଁ । ଯାହା ଫଳରେ ଦୂରରୁ ଗାଡିରେ ଆଣିଲା ବେଳକୁ ଅଧିକ ଖର୍ଚ୍ଚ ପଡୁଛି । ଦୀପ ତିଆରି କରିବାରେ ଯେତିକି ପରିଶ୍ରମ ତାହା ସହିତ ଯେଉଁ ଅର୍ଥ ଖର୍ଚ୍ଚ ହେଉଛି ତାହା ଆମକୁ ମିଳୁନାହିଁ । ଆମର କୌଳିକ ବୃତ୍ତି ସହିତ ଆମର କୂଳବେଉଷାକୁ ବଞ୍ଚାଇବା ରଖିବା ଉଦ୍ୟଶରେ ଦୀପ ତିଆରି କରୁଛୁ ।

ଚାଇନା ଲାଇଟ୍ ହେଉ କି ପ୍ଲାଷ୍ଟିକର ଦୀପ ବଜାରରେ ମିଳୁଛି । ହେଲେ ମାଟି ଦୀପରେ ସ୍ୱତନ୍ତ୍ର ସ୍ଥାନ ରହିବା ସହିତ ଆଦର ଅଛି । ସେଥିପାଇଁ ନିଜର ଅଭାବ ଅନଟନରେ ରହିକି ଦୀପ କାରିଗର ଛାଡି ନାହାନ୍ତି କୂଳବେଉଷା ବା କୌଳିକ ବୃତ୍ତିକୁ ।