Cyclone Murasu / ସୋମବାର ରାତିରୁ ମଙ୍ଗଳବାର ପାହାନ୍ତି ମଧ୍ୟରେ ସ୍ଥଳଭାଗ ଛୁଇଁବ ଭୀଷଣ ବାତ୍ୟା 'ମୁରାସୁ'

ଭୁବନେଶ୍ଵର: ଦକ୍ଷିଣ-ପଶ୍ଚିମ ଏବଂ ସଂଲଗ୍ନ ପଶ୍ଚିମକେନ୍ଦ୍ରୀୟ ବଙ୍ଗୋପସାଗରର ସୃଷ୍ଟ ବାତ୍ୟା 'ମୁରାସୁ' ଆନ୍ଧ୍ରପ୍ରଦେଶ ସହ ତାମିଲନାଡ଼ୁ ଉପକୂଳ ମୁହାଁ ହେଉଛି । ବିଗତ ୬ ଘଣ୍ଟା ହେଲା 'ମୁରାସୁ' ଘଣ୍ଟାପ୍ରତି ୨୭ କିଲୋମିଟର ବେଗରେ ଅଗ୍ରସର ହେଉଛି ।

ବାତ୍ୟା 'ମୁରାସୁ' ଏବେ ଚେନ୍ନାଇ ଠାରୁ ପୂର୍ବ-ଦକ୍ଷିଣପୂର୍ବ ଦିଗରେ ୪୮୦ କିଲୋମିଟର ଦୂରରେ ରହିଥିବା ବେଳେ ଆନ୍ଧ୍ରର ନେଲୋର ଠାରୁ ସମାନ ଦିଗରେ ୫୫୦ କିଲୋମିଟର ଦୂରରେ କେନ୍ଦ୍ରୀଭୂତ ରହିଛି । ସେହିଭଳି ମଛଲିପାଟଣମ୍ ଠାରୁ ଦକ୍ଷିଣ-ପୂର୍ବରେ ୫୬୦ କିଲୋମିଟର, ଅଙ୍ଗୋଲ ଠାରୁ ୬୦୦ କିଲୋମିଟର ଏବଂ ବିଶାଖାପାଟଣ୍ ଠାରୁ ୬୧୦ କିଲୋମିଟର ଦୂରରେ ରହିଛି ।

ଏଥିସହ ପଢ଼ନ୍ତୁ: ବଙ୍ଗୋପସାଗରରେ ସୃଷ୍ଟି ହେଲା ବାତ୍ୟା ‘ମୁରାସୁ’, ଜାଣନ୍ତୁ କେଉଁଠି କରିବ ଲ୍ୟାଣ୍ଡଫଲ୍‌ 

ଏହା କ୍ରମଶଃ ପଶ୍ଚିମ-ଉତ୍ତରପଶ୍ଚିମ ଦିଗରେ ଅଗ୍ରସର ହୋଇ ଆହୁରି ଘନୀଭୂତ ହେବ । 'ମୁରାସୁ' ଏକ ଭୀଷଣ ବାତ୍ୟା ଭାବେ ୨ ତାରିଖ ସକାଳେ ପଶ୍ଚିମ-କେନ୍ଦ୍ରୀୟ ବଙ୍ଗୋପସାଗରରେ ପହଞ୍ଚିବ । ଯାହା ପରେ 'ମୁରାସୁ' ଟିକେ ଦିଗ ବଦଳାଇ ଉତ୍ତର-ପଶ୍ଚିମକୁ ଗତି କରି ଦକ୍ଷିଣ ଆନ୍ଧ୍ରପ୍ରଦେଶ ନିକଟରେ ପହଞ୍ଚିବା ଆକଳନ କରାଯାଇଛି ।

#Cyclonic_Storm “#Murasu” [Pronunciation: Murasu] over Southwest & adjoining Westcentral #Bay_of_Bengal [Cyclone Warning for #Andhra_Pradesh and adjoining north #Tamil_Nadu_coasts—#Red_Message]: The Cyclonic Storm “Murasu” [Pronunciation: Murasu]” over Southwest & adjoining Westcentral Bay of Bengal moved west-northwestwards with speed of 27 kmph during past 6 hours and lay centered at 1430 hours IST of today, the 01st November, 2026 over the same region near Latitude 12.4°N and Longitude 84.6°E, about 480 km east-southeast of #Chennai (Tamil Nadu), 550 km east-southeast of #Nellore (Andhra Pradesh), 560 km southeast of #Machilipatnam (Andhra Pradesh), 600 km southeast of #Ongole (Andhra Pradesh) and 610 km south-southeast of #Vishakhapatnam (Andhra Pradesh). It is very likely to move west-northwestwards and intensify further into a #Severe_Cyclonic_Storm over Westcentral Bay of Bengal around 2nd November morning. Thereafter, it is very likely to move northwestwards and cross south Andhra Pradesh coast as a Severe Cyclonic Storm with wind speed of 100 to 110 kmph gusting 120 kmph between #Nellore and #Narsapur during midnight (2330 Hrs IST) of 2nd to early hours (0400 Hrs IST) of 3rd #November, 2026.

— India Meteorological Department (@Indiametdept) November 1, 2026

କେତେବେଳେ, କେଉଁଠି ଲ୍ୟାଣ୍ଡଫଲ୍ ?

ଭୀଷଣ ବାତ୍ୟା 'ମୁରାସୁ' ପ୍ରଭାବରେ ପବନର ସର୍ବାଧିକ ବେଗ ଘଣ୍ଟାପ୍ରତି ୧୦୦ରୁ ୧୧୦ କିଲୋମିଟର ଏବଂ ଝଟ୍‌କା ପବନର ବେଗ ଘଣ୍ଟାପ୍ରତି ୧୨୦ କିଲୋମିଟର ପର୍ଯ୍ୟନ୍ତ ରହିପାରେ । IMDରର ଆକଳନ ଅନୁସାରେ, ଭୀଷଣ ବାତ୍ୟା 'ମୁରାସୁ' ନେଲୋରରୁ ନର୍ସାପୁର ମଧ୍ୟରେ ୨ ତାରିଖ ମଧ୍ୟରାତ୍ରୀରୁ ନେଇ ୩ ତାରିଖର ଭୋର୍ ୪ଟା ମଧ୍ୟରେ ସ୍ଥଳଭାଗ ଛୁଇଁବ ।

ଦକ୍ଷିଣ ଓଡ଼ିଶାରେ ପ୍ରବଳ ବର୍ଷା

ବାତ୍ୟା 'ମୁରାସୁ' ପ୍ରଭାବରେ ଦକ୍ଷିଣ ଓଡ଼ିଶାରେ ପ୍ରବଳରୁ ଅତି ପ୍ରବଳ ବର୍ଷା ଆଶଙ୍କା ରହିଛି । ଯାହାକୁ ନେଇ ପାଣିପାଗ ବିଭାଗ ପକ୍ଷରୁ ୨ ତାରିଖରେ ଗଞ୍ଜାମ ଓ ଗଜପତିକୁ ପ୍ରବଳ ବର୍ଷା ନେଇ ୟେଲୋ ଆଲର୍ଟ ରହିଛି । ସେହିଭଳି ୩ ଓ ୪ ତାରିଖରେ ପ୍ରବଳରୁ ଅତି ପ୍ରବଳ ବର୍ଷା ଆଶଙ୍କା ରହିଛି ।

ନଭେମ୍ବର ୩ ଓ ୪ ତାରିଖରେ ଦକ୍ଷିଣ ଓଡ଼ିଶାର ଜିଲ୍ଲା- ରାୟଗଡ଼ା, କୋରାପୁଟ, ମାଲକାନଗିରି, ଗଜପତି, ଗଞ୍ଜାମ ଜିଲ୍ଲାକୁ ଅରେଞ୍ଜ ୱାର୍ଣ୍ଣିଂ ରହିଛି । ପ୍ରବଳ ବର୍ଷା ସହ ବଜ୍ରପାତ ଆଲର୍ଟ କରାଯାଇଛି । ଦକ୍ଷିଣ ଓଡ଼ିଶାର ଜିଲ୍ଲା ସହ ପୁରୀ ଓ ଖୋର୍ଦ୍ଧା ଜିଲ୍ଲାରେ ମଧ୍ୟ ଘଣ୍ଟାପ୍ରତି ୫୦ରୁ ୬୦ କିଲୋମିଟର ବେଗରେ ପବନ ଏବଂ ଝଟ୍‌କା ପବନର ବେଗ ଘଣ୍ଟାପ୍ରତି ୭୦ କିଲୋମିଟର ପର୍ଯ୍ୟନ୍ତ ରହିବା ପୂର୍ବାନୁମାନ କରାଯାଇଛି ।

ଏଥିସହ ପଢ଼ନ୍ତୁ: ଜିଲ୍ଲାବାସୀଙ୍କୁ ସତର୍କ କଲା ଗଞ୍ଜାମ ପ୍ରଶାସନ; 'ନଦୀ କୂଳ ଓ ତଳିଆ ଅଞ୍ଚଳର ଲୋକ ସୁରକ୍ଷିତ ସ୍ଥାନକୁ ଯାଆନ୍ତୁ' 

ମତ୍ସ୍ୟଜୀବୀଙ୍କୁ ସମୁଦ୍ର ମନା

ବାତ୍ୟା ସମୟରେ ସମୁଦ୍ର ଅଶାନ୍ତ ରହିବ । ୧ ମିଟର ଉଚ୍ଚତାର ଜୁଆର ଆସିବାର ଆଶଙ୍କା ରହିଛି । ଯାହାକୁ ନେଇ ଉତ୍ତର-ପଶ୍ଚିମ ବଙ୍ଗୋପସାଗର ଏବଂ ଦକ୍ଷିଣ ଓଡ଼ିଶା ଉପକୂଳ ସମୁଦ୍ରକୁ ୨ ତାରିଖରୁ ୪ ତାରିଖ ପର୍ଯ୍ୟନ୍ତ ମତ୍ସ୍ୟଜୀବୀଙ୍କ ପ୍ରବେଶ ବାରଣ କରାଯାଇଛି ।