ଚାଷ ହିଁ ତାଙ୍କ ଜୀବନ,ଏହି ଚାଷ ତାଙ୍କୁ ହସାଏ ଆଉ ଏ ଚାଷ ତାଙ୍କୁ କନ୍ଦାଏ,ଏହି ଚାଷକ୍ଷେତକୁ ତାଙ୍କ ପରିବାର ବୋଲି ଭାବନ୍ତି,ଆଉ ସେ ବିଭିନ୍ନ ଗଛମାନଙ୍କୁ ସେ ନିଜର ଭାଇ,ବନ୍ଦୁ କୁଟୁମ୍ବ । ଥରେ କ୍ଷେତ ଆଡେ ସେ ବୁଲିଆସିଲେ ତାଙ୍କ ସବୁ ଦୁଃଖ ଦୂର ହୋଇଯାଏ। ପଦ୍ମପୁର ସବଡ଼ିଭିଜନ ପାଇକମାଳ ବ୍ଲକ ଖରାମାଲ ଗାଁର ଡମ୍ବରୁଧର ବରିହା । ବର୍ତ୍ତମାନ ସମସ୍ତେ ରାସାୟନିକ ପଦ୍ଧତିରେ ଚାଷ କରି ଅଧିକ ଅମଳର ଆଶା କରୁଥିବା ବେଳେ ଜୈବିକ ପଦ୍ଧତିରେ ଦେଶୀ ଧାନ କରି ଚର୍ଚ୍ଚାରେ ଡମ୍ବରୁଧର । ଦେଶୀ ଔଷଧ ପ୍ରୟୋଗ କରି କରିଛନ୍ତି ୨୦୦ରୁ ଉର୍ଦ୍ଧ୍ବ ପ୍ରକାର ଦେଶୀ ଧାନ ଚାଷ । ପଦ୍ମପୁର ସବଡ଼ିଭିଜନ ପାଇକମାଳ ବ୍ଲକ ଜାମସେଠ ପଞ୍ଚାୟତ ଖରାମାଲ ଗାଁର ଡମ୍ବରୁଧର ବରିହା ।

ବର୍ତ୍ତମାନ ସମୟରେ ସମସ୍ତେ ରାସାୟନିକ ପଦ୍ଧତିରେ ଧାନ ଚାଷ କରି ଅଧିକ ଅମଳର ଆଶା କରୁଥିବା ବେଳେ ଡମ୍ବରୁଧର ଜୈବିକ ପଦ୍ଧତିରେ ଦେଶୀ ଧାନ କରି ଚର୍ଚ୍ଚାରେ । କେବଳ ଚାଷ ନୁହେଁ ଜୈବିକ ପଦ୍ଧତିରେ ଔଷଧ ତିଆରି କରି ରୋଗ ପୋକ ନିୟନ୍ତ୍ରଣରେ ମଧ୍ୟ ସକ୍ଷମ ଡମ୍ବରୁଧର ।ଦୀର୍ଘ ୧୫ ବର୍ଷରୁ ଉର୍ଦ୍ଧ୍ବ ହେବ ଦେଶୀ ଧାନ ସହ ଦେଶୀ ପନିପରିବା ଚାଷ କରୁଛନ୍ତି । ଭୁଲୋ, ଝୁଲି, ସପୁରୀ, ଗୋବିନ୍ଦା ଭଳି ୨୦୦ରୁ ଉର୍ଦ୍ଧ ପ୍ରକାର ଦେଶୀ ଧାନ ନିଜେ ଚାଷ କରିବା ସହ ତାଙ୍କ ଠାରୁ ମଞ୍ଜି ନେଇ ଅନ୍ୟ ଚାଷୀ ମାନେ ମଧ୍ୟ ଚାଷ କରୁଥିବା କହିଛନ୍ତି ଗାଁ ଲୋକେ ।

ଗୋବର ଖତ,ଜିଆ ଖତ,ଜିବାମୃତ ଔଷଧ ତିଆରି କରି ନିଜ ଚାଷ ସହ ଅନ୍ୟ ଚାଷୀଙ୍କ ଫସଲକୁ ସୁରକ୍ଷା ଦିଅନ୍ତି । ବର୍ତ୍ତମାନ ଡମ୍ବରୁ କରିଥିବା ଦେଶୀ ଧାନ ଝୁଲି ଓ ଗୋବିନ୍ଦା ମହାପ୍ରଭୁ ଜଗନ୍ନାଥଙ୍କ ଭୋଗ ପାଇଁ ଯିବା ନିମନ୍ତେ ପ୍ରଶାସନିକ ସ୍ତରରେ ପଦକ୍ଷେପ ନେଇଥିବାରୁ ନିଜକୁ ଧନ୍ୟ ମନେ କରନ୍ତି ବୋଲି କହିଛନ୍ତି ଡମ୍ବରୁଧର ।ଦେଶୀ ଔଷଧ ପ୍ରୟୋଗ କରି ଦେଶୀ ଧାନ ଚାଷ କରୁଛନ୍ତି ଡମ୍ବରୁଧର ।

ଅଧିକ ପଢ଼ନ୍ତୁ ଓଡ଼ିଶା ଖବର: