ରାତି ସାରା ଚାଲୁଛି ଡ୍ୟାନ୍ସ ବାର୍ । ରାତି ସାରା ଅଶ୍ଳୀଳ ନାଚ ସାଙ୍ଗକୁ ନିଶାର ଆସର । ମଦ ବୋତଲ ଧରି ଯୁବତୀଙ୍କ ଇସାରରେ ନାଚୁଛନ୍ତି ମତୁଆଲା ଯୁବକ । ରାଜ୍ୟରେ ଡ୍ୟାନ୍ସ ବାର୍ ପାଇଁ ଅନୁମତି ଦେଇନି ଅବକାରୀ ବିଭାଗ । ବିଳମ୍ୱିତ ରାତି ଯାଏଁ ଡ୍ୟାନ୍ସ ବାର ଖୋଲାଯିବା ଘଟଣାରେ କାର୍ଯ୍ୟାନୁଷ୍ଠାନ । ତୁରନ୍ତ ଡ୍ୟାନ୍ସ ବାରକୁ ସିଲ୍ କରିବା ପାଇଁ ଅବକାରୀ ସୁପରିଟେଣ୍ଡେଣ୍ଟଙ୍କୁ ନିର୍ଦ୍ଦେଶ ଦେଲେ ଅବକାରୀ ମନ୍ତ୍ରୀ ପୃଥ୍ବୀରାଜ ହରିଚନ୍ଦନ । ରାଜଧାନୀରେ ବେଆଇନ୍ ଭାବେ ଡ୍ୟାନ୍ସ ବାର୍ ଚାଲିଲେ କଡ଼ା କାର୍ଯ୍ୟନୁଷ୍ଠାନ ନିଆଯିବ ବୋଲି କହିଛନ୍ତି ମନ୍ତ୍ରୀ । 

ଅବକାରୀ ବିଭାଗ ପକ୍ଷରୁ କେବଳ ଅର୍କେଷ୍ଟା ଚାଲିବା ପାଇଁ ଅନୁମତି ଦିଆଯାଇଛି । ବେଆଇନ ଭାବେ ଭୋର ୪ଟା ଯାଏଁ ମଞ୍ଚେଶ୍ୱର ଥାନା ଅଧିନ ଗ୍ରୀନ ଫିଲ୍ଡ ଡ୍ୟାନ୍ସ ବାର୍ ଚାଲିଥିଲା । ୩ ମାସ ଯାଏଁ ଗ୍ରୀନ ଫିଲ୍ଡ ଡ୍ୟାନ୍ସ ବାରକୁ ସିଲ୍ କରିବା ପାଇଁ ଅବକାରୀ ସୁପରିଟେଣ୍ଡେଣ୍ଟଙ୍କୁ ନିର୍ଦ୍ଦେଶ ଦେଇଛନ୍ତି ଅବକାରୀ ଓ ଆଇନ ମନ୍ତ୍ରୀ ପୃଥିରାଜ୍ ହରିଚନ୍ଦନ । କେମିତି ଭୋର ୪ଟା ଯାଏଁ ଚାଲୁଛି ଗ୍ରିନ୍ ଫିଲ୍ଡର ଡ୍ୟାନ୍ସ ବାର୍ ? କାହା ସାହସରେ ଭୋର ୪ ଯାଏଁ ଡାନ୍ସ ବାର୍ ଖୋଲୁଛନ୍ତି ବାର୍ ମାଲିକ?