ଲିଙ୍ଗରାଜ ମନ୍ଦିରରେ ଜାଗର ମହାଦୀପ ଉଠିବା ବେଳେ ଅଘଟଣକୁ ନେଇ ଚାଲିଛି ତମ୍ବି ତୋଫାନ । ସମର୍ଥା ସେବାୟତ କାହିଁକି ପଡ଼ିଗଲେ, କାରଣ ଏଯାଏଁ ଅସ୍ପଷ୍ଟ ଥିବା ବେଳେ ପରସ୍ପର ଉପରେ ଦୋଷ ଲଦାଲଦି ହୋଇଛନ୍ତି ସେବାୟତ । ଘଟଣା ନେଇ ରାଜନୈତିକ ବୟାନବାଜି ବି ଜାରି ରହିଛି । ଆହତ ସେବାୟତ ଯୋଗେନ୍ଦ୍ର ସମର୍ଥାଙ୍କ ସ୍ୱାସ୍ଥ୍ୟବସ୍ଥା ଦେଖିବାକୁ ଆସି ପ୍ରଶାସନ ଉପରେ ଦୋଷ ଲଦିଲେ ମେୟର ସୁଲୋଚନା ଦାସ । ତାଙ୍କୁ କଡ଼ା ଜବାବ ଦେଲେ ବିଜେପି ବିଧାୟକ ବାବୁ ସିଂ ।

ଅଘଟଣା ସମ୍ପର୍କରେ କହିଛନ୍ତି ଆହତ ସେବାୟତଙ୍କ ପୁଅ ଅଶ୍ୱିନୀ ସମର୍ଥା । ମହାଦୀପ ମଶାଲରେ ଥିବା ଘିଅ ଅତ୍ୟଧିକ ହୋଇଯାଇଥିଲା ଓ ପ୍ରଶାସନ ବାଲି ପକାଇବାକୁ ଭୁଲି ଯାଇଥିବାରୁ ବାପା ପଡିଯାଇଥିବା ସେ କହିଛନ୍ତି । କିନ୍ତୁ ଏହାକୁ ଖଣ୍ଡନ କରିଛନ୍ତି କିଛି ବରିଷ୍ଠ ସେବାୟତ ଓ ମେକାପ ସେବାୟତ ।

ଲିଙ୍ଗରାଜଙ୍କ ଜାଗରରେ ମହାଦୀପ ସହ ସେବାୟତ ପଡିବା ଘଟଣା ଶ୍ରଦ୍ଧାଳୁ ମାନଙ୍କୁ କଷ୍ଟ ଦେଇଛି । ତେବେ ଗତକାଲି ରାତିରେ ଘଟଣାର କିଛି ସମୟ ଭିତରେ ଡାକ୍ତରଖାନା ଯାଇ ସମ୍ପୃକ୍ତ ସେବାୟତଙ୍କ ସ୍ବାସ୍ଥ୍ୟାବସ୍ଥା ବୁଝିଥିଲେ ଖୋଦ୍ ମୁଖ୍ୟମନ୍ତ୍ରୀ ମୋହନ ମାଝୀ ।