ପୂର୍ବ ସରକାରରେ ବାରମ୍ବାର ଦାବି କରି ଥକିଯାଇଥିଲେ ଲୋକେ । ନୂଆ ସରକାର ଆସିବା ପରେ ଦାବି ପୁରଣ କଲେ ସମ୍ବଲପୁର ସାଂସଦ ତଥା କେନ୍ଦ୍ରମନ୍ତ୍ରୀ ଧମେନ୍ଦ୍ର ପ୍ରଧାନ । ସମ୍ବଲପୁର ସହରର ପ୍ରବେଶ ପଥରେ ସ୍ଵାଗତମ ତୋରଣ ସ୍ଥାପନ କରି ପ୍ରଥମ ପଦକ୍ଷେପ ନେଇଛନ୍ତି ଧର୍ମେନ୍ଦ୍ର । କେନ୍ଦ୍ରମନ୍ତ୍ରୀଙ୍କ ଏଭଳି ପଦକ୍ଷେପକୁ ଧନ୍ୟବାଦ ଦେଲେ ସହରବାସୀ ।

ବଡ଼ ବଡ଼ ସୁନ୍ଦର ଅକ୍ଷରରେ ଲେଖାଯାଇଛି Welcome To Sambalpur । ସମ୍ବଲପୁରକୁ ଆପଣଙ୍କୁ ସ୍ବାଗତ । ସବୁଠାରୁ ବଡ଼ କଥା ହେଲା ସ୍ୱାଗତଂ ତୋରଣରେ ରହିଛି ସମ୍ବଲପୁରୀ ଛିଟା । ସମଲେଶ୍ଵରୀ ମନ୍ଦିର ଡିଜାଇନରେ କରାଯାଇଛି ଏହି ତୋରଣ । ଆଉ ସେଥିରେ ରହିଛିଶୀତଳ ଷଷ୍ଠୀର ଝଳକ ।

ନୂଆ ସରକାରରେ ସମ୍ବଲପୁର ସହର ସୌନ୍ଦଯ୍ୟକରଣ ଦିଗରେ ଆଉ ପାଦେ ଆଗକୁ ବଢ଼ିଛି । ପୂର୍ବ ସରକାର ସମୟରେ ଦାବି ହେଉଥିଲା । ନୂଆ ସରକାରରେ ଦାବି ପୂରଣ କଲେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ସମ୍ବଲପୁର ସହରର ପ୍ରବେଶ ପଥ ବରଗଡ଼-ସମ୍ଵଲପୁର ୫୩ ନମ୍ବର ଜାତୀୟ ରାଜପଥ କଟାପାଲି ଓ ଝାରସୁଗୁଡା - ସମ୍ବଲପୁର ରାଜ୍ୟ ରାଜପଥ ପରଧିଆପାଲିରେ ସ୍ବାଗତମ ତୋରଣ ସ୍ଥାପନ କରାଯାଇଛି । ଗତ ୪ ତାରିଖରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଏହାର ଉଦ୍‌ଘାଟନ କରିଛନ୍ତି । ଏଥିରେ ବ୍ୟୟ ହୋଇଛି ୨୨ ଲକ୍ଷ ୬ ହଜାର ଟଙ୍କା।

ସମ୍ଵଲପୁର ସହର ପଶ୍ଚିମ ଓଡ଼ିଶାର ପ୍ରାଣ କେନ୍ଦ୍ର । ଐତିହାସିକ ଓ ସାଂସ୍କୁତିକ ସହର । ସହରରେ ୫ଟି ପ୍ରବେଶ ପଥ ଦୁଆର ସ୍ଥାପନ ପାଇଁ ବିଜେଡି ସରକାର ସମୟରେ ଦାବି କରିଥିଲା ପଶ୍ଚିମାଂଚଳ ଏକତା ମଂଚ । ହେଲେ ସେହି ସମୟରେ କେହି ଶୁଣିଲେନି । ରାଜ୍ୟରେ ସରକାର ବଦଳିବା ପରେ ସମ୍ବଲପୁର ସାଂସଦ ତଥା କେନ୍ଦ୍ରଶିକ୍ଷା ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ୨ଟି ରାସ୍ତାର ପ୍ରବେଶ ତୋରଣ ପ୍ରଥମ ପର୍ଯ୍ୟାୟରେ କରିଥିବାରୁ ପଶ୍ଚିମାଂଚଳ ଏକତା ମଂଚ ଧନ୍ୟବାଦ ଜଣାଇଛି ।

ଆଗକୁ ଅନ୍ୟ ପ୍ରବେଶ ପଥରେ ମଧ୍ୟ ତୋରଣ ଖୁବଶୀଘ୍ର ନିର୍ମାଣ ହେବ ବୋଲି ସୂଚନା ରହିଛି।