ଅର୍ଗସ ବ୍ୟୁରୋ:  ବଲାଙ୍ଗିର ଜିଲ୍ଲା ମୁରିବାହାଲ ବ୍ଲକ ହଳଦୀ ପଂଚାୟତର ପେରୁଆମାଲ ଗାଁ । ଦୀର୍ଘ ବର୍ଷରୁ ଏହି ଅଞ୍ଚଳରେ ଗାଁ ସ୍ଥାପନ ହୋଇଥିବା ବେଳେ , ଏବେ ବି ଗାଁକୁ ମିଳି ପାରିନି ରାଜସ୍ବ ମାନ୍ୟତା ।  ଫଳରେ ଗାଁରେ ସରକାରୀ ସୁବିଧା ପହଞ୍ଚି ପାରିନଥିବା ଅଭିଯୋଗ ହୋଇଛି। ପେରୁଆମାଲ କୁ ଯିବାକୁ ହେଲେ ଜଙ୍ଗଲ ଘେରା ପାଦଚଲା ରାସ୍ତାରେ ଯିବାକୁ ପଡେ । ଗ୍ରୀଷ୍ମ ରୁତୁ ରେ କିଛି ମାସ ସୁରୁ ଖୁରୁରେ ଚଲିଯାଏ । ବର୍ଷା ମାସରେ ତ କଥା ସରିଲା । ରାସ୍ତା ନ ଥିବାରୁ ଗାଁକୁ ୪ ଚକିଆ ଆସିପାରୁନି ଏମିତିକି ଗାଁକୁ ଆମ୍ବୁଲାନ୍ସ ଆସିପାରୁ ନଥିବା ଅଭିଯୋଗ କରନ୍ତି ଗ୍ରାମବାସୀ।

ଗାଁର ଶିକ୍ଷାବ୍ୟବସ୍ଥା କଥା ନକହିଲେ ଭଲ। ଗାଁରେ ସ୍କୁଲ ଟିଏ କରିଥିଲେ ସରକାର। ହେଲେ ପରବର୍ତ୍ତି ସମୟରେ କମ ଛାତ୍ରଛାତ୍ରୀ ହେବାରୁ ଏହି ସ୍କୁଲକୁ ଉଠାଇ ନେଇଛନ୍ତି । ଏବେ ବିଦ୍ୟାଳୟ ନଥିବାରୁ ପୁଅ ଝିଅ ମାନେ ୫ କି ମି ଦୁରରେ ଥିବା ସ୍କୁଲକୁ ଯାଉଛନ୍ତି । ପେରୁଆମାଲରେ ଫେଲ ମାରିଛି ବସୁଧା ଯୋଜନା।   ପିଇବା ପାଣି ପାଇଁ ୩ଟି ନଳକୂପ ଅଛି ସତ ମାତ୍ର ଏଥିରୁ ବାହାରୁଛି ହଳଦିଆ ପାଣି। ଏହି ପାଣି ବ୍ୟବହାର କରି ଲୋକେ ବିଭିନ୍ନ ରୋଗରେ ପଡୁଥିବା ଅଭିଯୋଗ ହୋଇଛି । ମାତ୍ର ଜଳ ଯୋଗାଣର ଅନ୍ୟଯ ଉତ୍ସ ନଥିବାରୁ ଏହି ପାଣଇ ପିଇବାକୁ ବାଧ୍ୟ ହେଉଛନ୍ତି ଅଞ୍ଚଳବସାୀ ।

ଗ୍ରାମାଞ୍ଚଳ ପାଇଁ ଅନେକ ଯୋଜନା କରିଥିଲେ ପୂର୍ବ ସରକାର ମାତ୍ର ପ୍ରଶାସନିକ ଅବହେଳା ଓ ପତରଅନ୍ତର ନୀତି ପାଇଁ ଏହି ଯୋଜନା ଲୋକଙ୍କ କାମରେ ଆସି ପାରୁନି। ପେରୁଆମାଲ ଗାଁ ଭଳି ଅନେକ ଗାଁ ଏବେବି ମୌଳିକ ସୁବିଧା ପାଇବାରୁ ବଞ୍ଚିତ।