ଜଘନ୍ୟ, ଲଜ୍ଜାଜନକ । 4 ଜଣ ନାବାଳକ ଆଉ ଏଇ 6 ଜଣ ଯୁବକ ଯେଉଁ ଜଘନ୍ୟ କାଣ୍ଡ ଭିଆଇଛନ୍ତି ତାହା ଓଡ଼ିଶାକୁ କରିଛି ଲଜ୍ଜିତ । ବ୍ରହ୍ମପୁର ଗୋପାଳପୁର ବେଳାଭୂମିରେ ଜଣେ ଯୁବତୀ ଓ ତାଙ୍କ ପୁରୁଷ ବନ୍ଧୁଙ୍କୁ ଅକଥନୀୟ ନିର୍ଯାତନା ଘଟଣାରେ ଏମାନଙ୍କୁ ବାନ୍ଧିଛି ପୋଲିସ । ଗିରଫ 6 ଯୁବକ ହେଲେ, ପୁରୁଷୋତ୍ତମପୁର ଥାନା ହିଣ୍ଡୁଳା ଗାଁର ପ୍ରମୋଦ ନାୟକ। ହିଞ୍ଜିଳି ଥାନା ବୋରୁପଡ଼ା ଗାଁର ବାବୁରାମ ଦଳାଇ ଓ ଲକ୍ଷ୍ମଣ ପ୍ରଧାନ, ସିକରି ଗାଁର ଓମ୍ ପ୍ରଧାନ ଓ ଦୀପକ ତରାଇ। ବେଲଗାଁ ଥାନା ପାଟପୁର ଗାଁର କୁନାଲ ପ୍ରଧାନ, ବୟସ ।

ରବିବାର ସଂଧ୍ୟାରେ ପୁରୁଷ ବନ୍ଧୁଙ୍କ ସହ ବେଳାଭୂମିକୁ ବୁଲିବାକୁ ଯାଇଥିଲେ ଯୁବତୀ । ପାନ୍ଥନିବାସ ପଛପଟ ବେଳାଭୂମିରେ ଉଭୟେ ବସିଥିବାବେଳେ ସେମାନଙ୍କୁ ଘେରି ଯାଇଥିଲେ ଏ 10 ଜଣ ଦୁର୍ବୃତ୍ତ। 3 ଜଣ ଯୁବତୀଙ୍କୁ ଦୁଷ୍କର୍ମ କରିଥିବାବେଳେ ବାକି 7 ଜଣ ସହଯୋଗ କରିଥିଲେ। ଘଟଣାସ୍ଥଳରେ ସାଇଣ୍ଟିଫିକ୍ ଟିମ୍ ସହ ତଦନ୍ତ କରିଛି ପୋଲିସ।

ରବିବାର ରାତି ପ୍ରାୟ ପ୍ରାୟ ସାଢେ ୧୦ଟାରେ ଥାନାରେ ଅଭିଯୋଗ କରିଥିଲେ ସମ୍ପୃକ୍ତ ଯୁବକ ଓ ଯୁବତୀ। ତୁରନ୍ତ ଆକ୍ସନ ମୋଡକୁ ଆସିଥିଲା ପୋଲିସ। 24 ଘଣ୍ଟା ମଧ୍ୟରେ ସମସ୍ତ ଅଭିଯୁକ୍ତଙ୍କୁ ଗିରଫ କରାଯାଇଛି। ଘଟଣା ସମ୍ପର୍କରେ ବ୍ରହ୍ମପୁର ଏସପିଙ୍କ ସହ କଥା ହୋଇଛନ୍ତି ଉପମୁଖ୍ୟମନ୍ତ୍ରୀ ପ୍ରଭାତୀ ପରିଡ଼ା। କହିଛନ୍ତି ଅଭିଯୁକ୍ତଙ୍କ ଉପରେ ନିଆଯିବ ଦୃଢ଼ କାର୍ଯ୍ୟାନୁଷ୍ଠାନ । ଏହି ଘଟଣାରେ ହସ୍ତକ୍ଷେପ କରିଛନ୍ତି ଜାତୀୟ ମହିଳା କମିଶନ। ନିଜ ଆଡୁ ମାମଲା ରୁଜୁ କରିଛନ୍ତି। ଦୃଢ଼ କାର୍ଯ୍ୟାନୁଷ୍ଠାନ ସହ ଯୁବତୀଙ୍କୁ ନିର୍ଦ୍ଧାରିତ ସମୟରେ ନ୍ୟାୟ ଦେବାକୁ ରାଜ୍ୟ ପୋଲିସ ଡିଜିଙ୍କୁ ନିର୍ଦ୍ଦେଶ ଦେଇଛନ୍ତି । ଘଟଣାରେ କାର୍ଯ୍ୟାନୁଷ୍ଠାନ ୩ ଦିନ ଭିତରେ ଏହି ରିପୋର୍ଟ ଦେବାକୁ କହିଛନ୍ତି NCW ।