ଭୁବନେଶ୍ୱର: ମାହାଙ୍ଗା ମାଟିରୁ ମହା ଆହ୍ଵାନ ଦେଲେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ବୁଲେଇ ବଙ୍କାଇ ନୁହେଁ ସିଧାସିଧା ସ୍ଥାନୀୟ ବିଧାୟକଙ୍କୁ ଟାର୍ଗେଟ୍‌ କଲେ, ଡବଲ ମର୍ଡର ଘଟଣାରେ ଆଜି ବି କେମିତି ସ୍ଥାନୀୟ ବିଧାୟକ ବିନାଦ୍ଵିଧାରେ ବୁଲୁଛନ୍ତି ତାହା ବି କହିଲେ । ଖାଲି ଏତିକି ନୁହେଁ ବରଂ ସାହସୀ ଓଡ଼ିଶା ତିଆରି କରିବାକୁ ଆହ୍ଵାନ ଦେବା ସହ ଏଥର ପ୍ରଜାତନ୍ତ୍ରରେ ତାଣ୍ଡବ ହେବ, ଭୋଟ୍‌ ବାକ୍ସରେ ତାଣ୍ଡବ ହେବ ...ବାଲାଟ୍‌ ବକ୍ସରେ ତାଣ୍ଡବ ହେବ ବୋଲି କହିଛନ୍ତି ଧର୍ମେନ୍ଦ୍ର ।

ଧର୍ମେନ୍ଦ୍ରଙ୍କ ଏପରି ଆହ୍ଵାନ ପରେ ତେଜିଲାଣି ରାଜ୍ୟ ରାଜନୀତି । ମାହାଙ୍ଗା ଗସ୍ତରେ ଥିବା ଧର୍ମେନ୍ଦ୍ର ପୁଣି ଥରେ ଓଡ଼ିଆଙ୍କ ପ୍ରତି ଥିବା ତାଙ୍କର ଭଲପାଇବା ଦେଖାଇଛନ୍ତି । ମଂଚରେ ଅଭିଭାଷଣ ଦେବା ବେଳେ କହିଛନ୍ତି, ମୁଁ ଅହକାଂରୀ ନୁହେଁ କାହାକୁ ନାଲିଆଖି ଦେଖାଇବା ମୋର ଅଭ୍ୟାସ ନାହିଁ କିନ୍ତୁ ଓଡ଼ିଆଙ୍କ ଆତ୍ମବିଶ୍ଵାସ ସହ କିଏ ନଖେଳୁ । ଖାଲି ଏତିକି ନୁହେଁ ବରଂ ସମ୍ବଲପୁରରେ ଯାହା କହିଥିଲେ ମାହାଙ୍ଗାରେ ପୁଣି ଥରେ ଦୋହରାଇଲେ ଧର୍ମେନ୍ଦ୍ର । ରାଜ୍ୟ ସରକାରଙ୍କ ସ୍ଵାସ୍ଥ୍ୟବ୍ୟବସ୍ଥା କେବଳ ପ୍ରଚାର ଓ ହୋର୍ଡିଂରେ ହିଁ ରହିଯାଇଛି । ଯେଉଁଥି ଲାଗି ଓଡ଼ିଆ ପିଲା ଆଜି ପୁଷ୍ଟିହୀନତାର ଶିକାର ହୋଇଛନ୍ତି ।
ହତ୍ୟା କରିଥିବା ଲୋକଙ୍କୁ ନୃଶଂସ କହିବାନି ତ କ'ଣ କହିବା ବୋଲି କଲେ ପ୍ରଶ୍ନ ?

ନିଜ ମାଟିରେ ସ୍ଥାନୀୟ ବିଧାୟକଙ୍କ ଖୋଲି ଦେଲେ ପୋଲ । କେମିତି ମହାଙ୍ଗା ଡବର ମର୍ଡର ମାମଲାରେ ମୁଦାଲା ଥାଇ ବି ଆଜିଯାଏଁ ବାହାରେ ବୁଲୁଛନ୍ତି । ଯିଏ ଏମିତି ଜଘଣ୍ୟ କାଣ୍ଡ ଭିଆଏ ସେ ନୃଶଂସ ନୁହେଁ ତ ଆଉ କଣ ବୋଲି ପ୍ରଶ୍ନ କରିଛନ୍ତି ଧର୍ମେନ୍ଦ୍ର । ମୋଟ୍‌ ଉପରେ ଯୁବ ସଂକଳ୍ପ ସମାବେଶରେ ଯୋଗଦେଇ ସିଧାସଳଖ ରାଜ୍ୟ ସରକାର, ସ୍ଥାନୀୟ ବିଧାୟକଙ୍କୁ ଟାର୍ଗେଟ କରିଛନ୍ତି କେନ୍ଦ୍ରମନ୍ତ୍ରୀ । ଏପରିକି ସରକାର ଦୁର୍ନୀତିରେ ବୁଡ଼ିଥିବା କହି ସମାଲୋଚନା କରିଛନ୍ତି ।

Argus News | argus news | Odisha Latest News, Breaking News, Trending News, Live TV