ବାବା ସାହେବ ଡ.ଭୀମରାଓ ଆମ୍ବେଦକରଙ୍କ ଜନ୍ମ ଜୟନ୍ତୀରେ ଶ୍ରଦ୍ଧାଞ୍ଜଳି ଦେଲେ କେନ୍ଦ୍ର ଶିକ୍ଷାମନ୍ତ୍ରୀ । ସମ୍ବଲପୁର ମୁଦିପଡା ଛକରେ ଆମ୍ବେଦକରଙ୍କ ପ୍ରତିମୂର୍ତ୍ତିରେ ପୁଷ୍ପ ମାଲ୍ୟାର୍ପଣ କରିଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ଏହି ଅବସରରେ ଆୟୋଜିତ ସଭାରେ ଆମ୍ବେଦକରଙ୍କ ସ୍ମୃତିଚାରଣ କରିଥିଲେ ଧର୍ମେନ୍ଦ୍ର ।

୭୫ ବର୍ଷର ସମ୍ବିଧାନ ଲେଖିବାରେ ବାବା ସାହେବଙ୍କ ଅତୁଳନୀୟ ଅବଦାନ ଥିଲା । ଜାତି ବ୍ୟବସ୍ଥାରେ ଯିଏ ସବୁଠୁ ଅଧିକ ସେବା କରୁଥିଲା ସମାଜ ତାକୁ ଅଣଦେଖା କରିଥିଲା । କିଛି ଲୋକ ମୋଦି ସଂରକ୍ଷଣ ଉଠାଇ ଦେବେ ବୋଲି କହି କୁମ୍ଭୀର କାନ୍ଦଣା କାନ୍ଦୁଛନ୍ତି । ଏହି ଦେଶରେ ସୂର୍ଯ୍ୟଚନ୍ଦ୍ର ଯେଉଁ ପର୍ଯ୍ୟନ୍ତ ଥିବେ, ମୋଦି ପ୍ରଧାନମନ୍ତ୍ରୀ ଯେଉଁ ପର୍ଯ୍ୟନ୍ତ ଥିବେ କେହି ରିଜର୍ଭସନ ଉଠାଇ ପାରିବେ ନାହିଁ ।

ଯଦି ଦଳିତ ପରିବାରର କେହି ଲୋନ ନେବା ପାଇଁ ଯିବ, ବିନା ବନ୍ଧକରେ ଲୋନ ମିଳିବ ବୋଲି କହିଛନ୍ତି ପ୍ରଧାନମନ୍ତ୍ରୀ। ବାବା ସାହେବ ଆମ୍ବେଦକରଙ୍କ ଗ୍ୟାରେଣ୍ଟି ଆମ ସରକାର ଆପଣଙ୍କ ପାଇଁ ଦାୟିତ୍ୱବାନ । କାର୍ଯ୍ୟକ୍ରମରେ ଉପସ୍ଥିତ ଥିଲେ ବିଧାୟକ ଜୟନାରାୟଣ ମିଶ୍ର, ମନ୍ତ୍ରୀ ରବିନାରାୟଣ ନାଏକ, ପୂର୍ବତନ ବିଧାୟକ ନାଉରି ନାଏକ ।