ବରଗଡ଼ରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କୁ ବିପୁଳ ସ୍ବାଗତ ସମର୍ଦ୍ଧନା ଜଣାଇଲେ ବରଗଡ଼ର ଶହ ଶହ କର୍ମୀ ,ନେତା ଓ ଜନତା। ପାଣି ଛତର ଛକରେ ସ୍ବାଗତ ପରେ ବିଜେଡିର ବରିଷ୍ଠ ନେତା,ପୂର୍ବତନ ମନ୍ତ୍ରୀ, ବର୍ତ୍ତମାନର ରେଢ଼ାଖୋଲ ବିଧାୟକ ପ୍ରସନ୍ନ ଆଚାର୍ଯ୍ୟ ଓ ତାଙ୍କ ପରିବାର ଲୋକଙ୍କୁ ଭେଟିଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ। ପ୍ରସନ୍ନଙ୍କ ବରଗଡ଼ ସ୍ଥିତ ବାସଭବନକୁ ଯାଇ ପରିବାର ଲୋକଙ୍କୁ ସାନ୍ତ୍ଵନା ଜଣାଇଛନ୍ତି । କିଛି ଦିନ ତଳେ ବିଧାୟକଙ୍କ ଧର୍ମପତ୍ନୀ ଚାରୁଶିଳା ଆଚାର୍ଯ୍ୟଙ୍କ ଦେହାନ୍ତ ହୋଇଥିଲା। ତାଙ୍କ ବିୟୋଗରେ କେନ୍ଦ୍ରମନ୍ତ୍ରୀ ଦୁଃଖ ପ୍ରକାଶ କରିବା ସହ ତାଙ୍କ ଫଟୋ ଚିତ୍ରରେ ପୁଷ୍ପ ଦେଇ ଗଭୀର ଶ୍ରଦ୍ଧାଞ୍ଜଳି ଅର୍ପଣ କରିଥିଲେ । କେନ୍ଦ୍ରମନ୍ତ୍ରୀଙ୍କ ସହ ପଞ୍ଚାୟତି ରାଜ ମନ୍ତ୍ରୀ ରବି ନାଏକ ,ବରଗଡ଼ ବିଧାୟକ ,ଅତାବିରା ବିଧାୟକ,ବିଜେପୁର ବିଧାୟକ ଓ ଝାରସୁଗୁଡ଼ା ବିଧାୟକ ଉପସ୍ଥିତ ଥିଲେ l