ସମ୍ବଲପୁର: ଭୋଟ ଦଉଛି ସମ୍ବଲପୁର । ଆଜି ସକାଳ ୭ ରୁ ମତଦାନ ପ୍ରକ୍ରିୟା ଆରମ୍ଭ ହେଇସାରିଥିବା ବେଳେ ମା' ସମଲେଶ୍ଵରୀଙ୍କୁ ଦର୍ଶନ କରିବା ସହ ପୂଜାର୍ଚ୍ଚନା କରି ଆଶୀର୍ବାଦ ଭିକ୍ଷା କରିଛନ୍ତି କେନ୍ଦ୍ର ଶିକ୍ଷା ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ।

ସମ୍ବଲପୁରବାସୀ ଆଜି ସମ୍ବଲପୁର ସଂସଦୀୟକ୍ଷେତ୍ର ପାଇଁ ଭୋଟ ଦେଉଥିବାବେଳେ ନିଜେ ସାଂସଦ ପ୍ରାର୍ଥୀ ଭାବେ ମା' ସମଲେଇଙ୍କ ଆଶୀର୍ବାଦ କାମନା କରି ସମ୍ବଲପୁର ବଡବଜାରର ୬୩ ଓ ୬୪ ନମ୍ବର୍ ବୁଥରେ ଭୋଟିଂ ପ୍ରକ୍ରିୟା ବୁଲି ଦେଖିଲେ କେନ୍ଦ୍ର ଶିକ୍ଷା ମନ୍ତ୍ରୀ ଧର୍ମେନ୍ଦ୍ର ପ୍ରଧାନ। ସମ୍ବଲପୁର ବଡବଜାରରେ ଦଳୀୟ ଏଜେଣ୍ଟଙ୍କ ସହ ଆଲୋଚନା କଲେ ।

ଏହାସହ ଲୋକଙ୍କୁ ଭୋଟ୍ ଦେବାକୁ ଅପିଲ୍ କରିଛନ୍ତି କେନ୍ଦ୍ରମନ୍ତ୍ରୀ । ଭୋଟ୍ ବହୁତ ଗୁରୁତ୍ୱପୂର୍ଣ୍ଣ । ନିଶ୍ଚିତ ଭୋଟ୍ ଦିଅନ୍ତୁ । ଗଣତନ୍ତ୍ରରେ ଭୋଟ୍ ବହୁତ ମୂଲ୍ୟବାନ ଆଉ ନିର୍ଣ୍ଣାୟକ । ଭୋଟ୍ ଦେବାର କାମ ବହୁତ ମହାନ୍ ଆଉ ଗୁରୁତ୍ୱପୂର୍ଣ୍ଣ କାମ୍ । ଭୋଟ୍ ଆମର ଅଧିକାର ।

ସମ୍ବଲପୁର ଲୋକସଭା ନିର୍ବାଚନ ମଣ୍ଡଳୀର ସବୁ ସ୍ୱାଭିମାନୀ ଜନତାଙ୍କୁ ବହୁତ ସଂଖ୍ୟାକ ଭୋଟ୍ ଦେବା ଲାଗି ନିବେଦନ କରିଛନ୍ତି କେନ୍ଦ୍ରମନ୍ତ୍ରୀ । ଆପଣମାନଙ୍କର ଗୋଟେ ଗୋଟେ ଭୋଟ୍ ବିକଶିତ ସମ୍ବଲପୁର, ବିକଶିତ ଓଡିଆ ଆଉ ବିକଶିତ ଭାରତ ନିର୍ମାଣ କରିବାରେ ମଜବୁତ କରିବ ବୋଲି ସମ୍ବଲପୁରୀ ଭାଷାରେ ଟ୍ୱିଟ୍ କରିଛନ୍ତି ଧର୍ମେନ୍ଦ୍ର ପ୍ରଧାନ ।

ଭୋଟ୍‌ ବହୁତ୍ ଗୁରୁତ୍ବପୂର୍ଣ୍ଣ, ନିଶ୍ଚେ ଭୋଟ୍ ଦେଉନ୍‌ ।

ଗଣତନ୍ତ୍ର ଥି ଭୋଟ୍ ମୂଲ୍ୟବାନ୍‌ ଆଉ ନିର୍ଣ୍ଣାୟକ ଆଏ । ଭୋଟ୍‌ ଦେବାର୍ କାମ୍ ଟା ବହୁତ୍‌ ମହାନ୍‌, ପୁଣ୍ୟ ଆଉ ଗୁରୁତ୍ୱପୂର୍ଣ୍ଣ କାମ୍ ଆଏ l ଭୋଟ୍ ଆମର୍ ଅଧିକାର୍ ।

ସମ୍ବଲପୁର୍ ଲୋକସଭା ନିର୍ବାଚନ୍ ମଣ୍ଡଲୀର୍‌ ସବୁ ସ୍ୱାଭିମାନୀ ଜନତାଙ୍କୁ ବହୁତ୍ ସଂଖ୍ୟାନେ ଭୋଟ୍ ଦେବାର୍… pic.twitter.com/MIQMO1i9Oz
— Dharmendra Pradhan (मोदी का परिवार) (@dpradhanbjp) May 25, 2024

Argus News | argus news | Odisha Latest News, Breaking News, Trending News, Live TV