ଯାଜପୁରରେ ଅଣାୟତ ହଇଜା । ଯାଜପୁରରେ ପୁଣି ବଢିଲା ଝାଡାବାନ୍ତି ରୋଗୀ ସଂଖ୍ୟା। ଗତକାଲି ୨୪୪ ରହିଥିବା ବେଳେ ଆଜି ଜ଼ିଲ୍ଲାରେ ୨୫୯ ରୋଗୀ ଚିକିତ୍ସିତ ହୋଉଛନ୍ତି। ଆଜି ଦିନକରେ ଜ଼ିଲ୍ଲାରେ ୧୫ ଜଣ ନୂଆ ରୋଗୀ ଚି଼ହ୍ନଟ ହୋଇଛନ୍ତି। ଗତ କାଲି ୨ ଜଣଙ୍କ ଝାଡା ବାନ୍ତି ରେ ମୃତ୍ୟୁ ଘଟିଥିଲା ଏଯାଏଁ ୭ଜଣଙ୍କ ମୃତ୍ୟୁ ହୋଇଛି । ୧୪ ଜଣିଆ କେନ୍ଦ୍ରୀୟ ଟିମ ଗତ କାଲି ଠାରୁ ଯାଜପୁର ରେ ପହଞ୍ଚି ସ୍ଥିତି ଅନୁଧ୍ୟାନ କରୁଛନ୍ତି । ବର୍ତ୍ତମାନ ସୁଦ୍ଧା ୧୧ଟି ନମୂନା ହଇଜା ପଜିଟିଭ୍ ଚିହ୍ନଟ ହୋଇଛି ।

ଗତକାଲି ଗ୍ରାଉଣ୍ଡ ଜିରୋରେ ସ୍ବାସ୍ଥ୍ୟମନ୍ତ୍ରୀ ମୁକେଶ ମହାଲିଙ୍ଗ ପହଂଚି ଯାଜପୁର ମେଡିକାଲ, ବଡ଼ଚଣା ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ର ଓ ଧର୍ମଶାଳା ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ସ୍ଥିତି ଅନୁଧ୍ୟାନ କରିଥିଲେ । ସ୍ଥିତିକୁ ଦେଖି ଯାଜପୁର ବରିରେ ବନ୍ଦ ହୋଇଛି ସମସ୍ତ ହୋଟେଲ, ଢାବା । ସେହିପରି ଷ୍ଟ୍ରିଟ୍ ଫୁଡ ଗୁପଚୁପ, ଚାଟ, ଆଇସକ୍ରିମ କାରଖାନା, ଜଳଖିଆ ଦୋକାନ, ପାଣି ପାଉଚ କାରଖାନା ଏବଂ ପାଣି ପ୍ୟାକେଜିଙ୍ଗ କାରଖାନା ଦୁଇ ସପ୍ତାହ ବନ୍ଦ ପାଇଁ ନିର୍ଦ୍ଦେଶ ଦେଇଛନ୍ତି ବରୀ ତହସିଲଦାର ।