ଭୁବନେଶ୍ଵର: ରାଜଧାନୀ ଭୁବନେଶ୍ଵରକୁ ଝାଡ଼ାବାନ୍ତି ଭୟ । ବିଏମସି ୧୩ ନମ୍ବର ୱାର୍ଡରେ ଝାଡ଼ାବାନ୍ତିରେ ୧୫୦ରୁ ଅଧିକ ଆକ୍ରାନ୍ତ ହୋଇଥିବା ଅଭିଯୋଗ । ଚନ୍ଦ୍ରଶେଖରପୁର ନୀଳାଦ୍ରି ଆପାର୍ଟମେଣ୍ଟରେ ଝାଡ଼ାବାନ୍ତିରେ ଏକାଧିକ ଆକ୍ରାନ୍ତ ହୋଇଥିବା ବେଳେ ଏଥିପାଇଁ ବିଏମ୍‌ସିକୁ ଦାୟୀ କରିଛନ୍ତି ।

ଦୂଷିତ ପାଣି ପାଇଁ ଚନ୍ଦ୍ରଶେଖରପୁର ଅଞ୍ଚଳରେ ଝାଡ଼ାବାନ୍ତି ବ୍ୟାପିଥିବା ସୂଚନା ମିଳିଛି । ନୀଳାଦ୍ରି ଆପାର୍ଟମେଣ୍ଟର ଘରେ ଘରେ ପିଲାଟୁ ବୁଢ଼ା ଝାଡ଼ାବାନ୍ତିରେ ପୀଡ଼ିତ ହୋଇଛନ୍ତି । ଆଜି ସ୍ଵାସ୍ଥ୍ୟ ବିଭାଗର ଏକ ସ୍ଵତନ୍ତ୍ର ଟିମ୍ ପହଞ୍ଚି ଚିକିତ୍ସା ଆରମ୍ଭ କରିଛି ।

୫ ଦିନରୁ ଅଧିକ ସମୟ ହେବ ଜଣକ ପରେ ଜଣେ ଝାଡ଼ାବାନ୍ତିରେ ଆକ୍ରାନ୍ତ ହେବା ପରେ ଜଣା ପଡିଥିଲା, ଆପାର୍ଟମେଣ୍ଟକୁ ସପ୍ଲାଏ ହେଉଥିବା ପାଣି ଦୂଷିତ ହୋଇଥିବାରୁ ଏଭଳି ଘଟଣା ଘଟିଛି । ତେବେ ଏଥିପାଇଁ ବିଏମ୍‌ସିକୁ ସମ୍ପୂର୍ଣ୍ଣ ଭାବେ ଦାୟୀ କରିଛନ୍ତି ଲୋକେ ।