ପୁରୀ: ପୁରୀ ବଡଦାଣ୍ଡରେ ଅଭାବନୀୟ ଦୃଶ୍ୟ। ଭକ୍ତ ଓ ସ୍ଥାନୀୟ ବାସିନ୍ଦାଙ୍କ ମଧ୍ୟରେ ପ୍ରବଳ ପାଟିତୁଣ୍ଡ ଓ ମାଡଗୋଳର ଦୃଶ୍ୟ ସାମ୍ନାକୁ ଆସିଛି। ଜଣେ ଭକ୍ତ ଜଣକ ନିଜ କାର ସାଇଡ କରୁଥିବା ବେଳେ ଜଣେ ଯୁବକଙ୍କ ବାଇକ ରେ ମାଡ଼ ହୋଇଥିଲା । ଫଳରେ ହଠାତ୍ ଉତକ୍ଷିପ୍ତ ହୋଇ କାର କୁ ଅଟକାଇବାକୁ ଉଦ୍ୟମ କରିଥିଲେ ଯୁବକ । ଯାହାକୁ ନେଇ ମରଚିକୋଟ ଛକଠାରେ ଉଭୟଙ୍କ ମଧ୍ୟରେ ମାରପିଟ ହୋଇଥିଲା । ପୋଲିସ ସେମାନଙ୍କୁ ବୁଝାସୁଝା କରିଥିଲେ ମଧ୍ୟ ଉଭୟ ପକ୍ଷ ମାନିବାକୁ ନାରାଜ ହୋଇଥିଲେ । ତେଣୁ ଉଭୟଙ୍କ ବିରୋଧରେ ମାମଲା ରୁଜୁ ହେବ ବୋଲି ଥାନାଧିକାରୀ କହିଛନ୍ତି ।