ଓଡ଼ିଶାରେ ପ୍ରଥମ ଥର ପାଇଁ ଗଡ଼ିଲା ଡବଲ ଡେକର ବସ
Key Points
ଓଡ଼ିଶାରେ ପ୍ରଥମ ଥର ପାଇଁ ଗଡ଼ିଲା ଡବଲ ଡେକର ବସ
ଦୁଇ ତାଲା ବିଶିଷ୍ଟ ବସ ହୋଇ ଥିବାରୁ ଅଧିକ ଯାତ୍ରୀ ଯାଇପାରିବେ
ଏହି ବସଟି ବିଦ୍ୟୁତଚାଳିତ ହୋଇଥିବାରୁ ଏଥିରୁ କମ ଧୂଆଁ ବାହାରିବ
ଅର୍ଗସ ବ୍ୟୁରୋ: ଆଜି ରାଜ୍ୟରେ ପ୍ରଥମ ଥର ପାଇଁ ଗଡିଲା ଡବଲ ଡେକର ବସ। ପ୍ରବାସୀ ଭାରତୀୟଙ୍କ ଉଦ୍ଦେଶ୍ୟରେ ଏହାକୁ ପ୍ରଥମେ ବ୍ୟବହାର କରାଯିବ। ପରେ ସାଧାରଣ ଲୋକଙ୍କ ପାଇଁ ବ୍ୟବହୃତ ହେବ। ପ୍ରଥମେ ଦୁଇଟି ବସ୍ ଆସିଛି। ପରେ ଆଉ ଦୁଇଟି ଡବଲ ଡେକର ବସ ଆସିବ।
ଓଡ଼ିଶା ଆସିଲା ଇ-ଡବଲ ଡେକର ବସ । ପ୍ରବାସୀ ଭାରତୀୟ ଦିବସ ପୂର୍ବରୁ ଓଡ଼ିଶାରେ ଗଡ଼଼ିଲା ଡବଲ ଡେକର ବସ। ଗତ କାଲି ମୁମ୍ବାଇରୁ ଓଡ଼ିଶାକୁ ଇଲେକ୍ଟ୍ରିକ ଡବଲ ଡେକର ବସ ଆସିଛି। ଡବଲ ଡେକର ବସରେ ରହିଛି ଓଡ଼ିଶା କଳା ଓ ସଂସ୍କୃତର ଛାପ। ଡବଲ ଡେକର ବସରେ କୋଣାର୍କ ସୂର୍ଯ୍ୟ ମନ୍ଦିର ଓ ଶାନ୍ତିସ୍ତୁପ ଧଉଳି ଆଦି ସ୍ଥାନ ପାଇଛି। ପରବର୍ତ୍ତି ସମୟରେ ମୁମ୍ବାଇରୁ ଆଉ ୩ଟି ଡବଲ ଡେକର ବସ ଆସିବ ବୋଲି ଜଣାପଡ଼ିଛି। ପ୍ରଥମ ପର୍ଯ୍ୟାୟରେ ଭୁବନେଶ୍ୱର, ପୁରୀ ଓ କଟକ ସହରରେ ଇ-ଡବଲ ଡେକର ବସ ଚଳାଚଳ କରିବ ବୋଲି ଜଣାପଡିଛି। ଆଜି ମୁମ୍ବାଇରୁ ଓଡ଼ିଶାକୁ ଡବଲ ଡେକର ବସ ଆସିବା ନେଇ କ୍ରୁଟ ପକ୍ଷରୁ ସୂଚନା ଦିଆଯାଇଥିଲା।
📱 Get Argus News App
✨ଇ-ଡବଲ ଡେକର ବସ ହେଉଛି ଏକ ବିଦ୍ୟୁତଚାଳିତ ଡବଲ ଡେକର ବସ, ଯାହା ଦୁଇ ତାଲା ବିଶିଷ୍ଟ ଏକ ବଡ଼ ବସ ଅଟେ। ଏହା ବିଶେଷତଃ ଜଳବାୟୁ ପରିବର୍ତ୍ତନକୁ ଦୃଷ୍ଟିରେ ରଖି ସ୍ୱଚ୍ଛ ପରିବହନ ପାଇଁ ବିକାଶ କରାଯାଇଛି। ଏହି ଇ-ଡବଲ ଡେକର ବସ ଏକାଧିକ ଯାତ୍ରୀଙ୍କୁ ପରିବହନ କରିବା ସହିତ ଏହା ଧୂଆଁ ତିଆରି ନ କରି କାର୍ବନ ତ୍ୟାଗକୁ କମାଇବାରେ ସହାୟକ ହୋଇଥାଏ।
ଏହି ବସ ଦୁଇ ତାଲା ବିଶିଷ୍ଟ ବସ ହୋଇ ଥିବାରୁ ଅଧିକ ଯାତ୍ରୀଙ୍କୁ ଏକ ସମୟରେ ବହନ କରିପାରେ। ଏହା ବିଦ୍ୟୁତ ଚାଳିତ ହୋଇଥିବାରୁ ଏଥିରୁ ଅତ୍ୟଧିକ ଶବ୍ଦ ଉତ୍ପନ୍ନ ହେବ ନାହିଁ। ଇ-ଡବଲ ଡେକର ବସ ପରିବହନ ଗତିକୁ ସୁଦୃଢ଼ କରିବାରେ ଏକ ବଡ଼ ପଦକ୍ଷେପ ହୋଇଥିବାବେଳେ ଏହା ଆଧୁନିକ ସହର ଯାନଚଳନର ଏକ ନୂଆ ଧାରା ଭାବେ ଉଭା ହୋଇଛି। ଇ-ଡବଲ ଡେକର ବସ ଏବେ ଭାରତର ଅନେକ ସହରରେ ଆରମ୍ଭ ହୋଇଥିବା ସୂଚନା ମିଳିଛି।