କଟକ: କଟକ କମିସନରେଟ୍ ପୋଲିସର ଡବଲ ଏନ୍‌କାଉଣ୍ଟର । ୨ ଜଣ ଦୁର୍ଦ୍ଦାନ୍ତ ଅପରାଧୀଙ୍କୁ ଗୁଳିମାଡ଼ କରିଛି ପୋଲିସ । ଆହତ ଅଭିଯୁକ୍ତ ଦ୍ଵୟ ହେଲେ କଟାସ ଓରଫ ସଂଗ୍ରାମ ରାଉତ ଏବଂ ଜୁବୁଲା ଓରଫ ଶୁଭ୍ରାଂଶୁ ପରିଡ଼ା । ସଂଗ୍ରାମର ଘର ନନ୍ଦନକାନନ ଥାନା ଅଞ୍ଚଳରେ, ଜୁବୁଲାର ଘର ବୟାଳିଶମୌଜା କୁଳକଳପଡ଼ା ଅଞ୍ଚଳରେ ।

ଡକାୟତି, ଲୁଟ୍‌ପାଟ ଭଳି ଏକାଧିକ ସଙ୍ଗୀନ ମାମଲାରେ ଜଡ଼ିତ ଥିଲେ କଟାସ ଓ ଜୁବୁଲା । ଉଭୟ ବାଇକ୍‌ରେ ଯାଉଥିବା ବେଳେ ଧରିବା ପାଇଁ ପୋଲିସ ପିଛା କରିଥିଲା । ଚୌଦ୍ଵାର ଥାନା ଅଞ୍ଚଳରେ ମୁହାଁମୁହିଁ ପରିସ୍ଥିତି ସୃଷ୍ଟି ହୋଇଥିଲା । ଦୁଇ ଅପରାଧୀ ପ୍ରଥମ ପୋଲିସ ଉପରକୁ ଗୁଳି ଚଲାଇ ଥିଲେ ।

ସ୍ଥିତି ବିଗିଡ଼ି ଯିବାରୁ ପୁଲିସ ଦୁଇ ଅଭିଯୁକ୍ତଙ୍କ ଉପରକୁ ଗୁଳି ଚଳାଇଥିଲା । ଦୁଇ ଜଣଙ୍କ ଗୋଡ଼ରେ ଗୁଳି ବାଜିଛି । ସେମାନଙ୍କୁ ଏସ୍‌ସିବି ଟ୍ରମା କେୟାର୍‌ରେ ଭର୍ତ୍ତି କରାଯାଇଛି ।