ଅର୍ଗସ ବ୍ୟୁରୋ: ପାହାଡ଼ ପର୍ବତ ଘେରା ଗାଁ। ଗାଁକୁ ଯିବାକୁ ଅଙ୍କାବଙ୍କା ପାଦ ଚଲା ରାସ୍ତା। ଏ ଦୃଶ୍ୟ ହେଉଛି ଗଞ୍ଜାମ ଭଂଜନଗର ବ୍ଲକ ଦୋମୁହାଣୀ ପଂଚାୟତ ଟୁଇପଦର ଗାଁର । ଗାଁରେ ପାଖାପାଖି  20 ଆଦିବାସୀ ପରିବାର ବସବାସ କରନ୍ତି । ମାତ୍ର ପାନୀୟ ଜଳ ଯୋଗାଣ ବ୍ୟବସ୍ଥା ଥାଇ ବି ନଥିଲା ଭଳି। ଗାଁରେ ୩ଟି ନଳକୂପ ଅଛି । ହେଲେ ଗୋଟିଏ ଅଚଳ ଥିବା ବେଳେ ଅନ୍ୟ ୨ଟିରୁ ଗୋଳିଆ ପାଣି ବାହାରୁଚି। ଯାହା କୁ ପାନୀୟ ଭାବେ ବ୍ୟବହାର କରିବା ଅସମ୍ଭବ । ପାନୀୟ ଜଳ ନାଁରେ ବାହାରୁଛି ନାଲି ପାଣି। ଅନ୍ୟ ଏକ ନଳକୂପ ଘଣ୍ଟାଏ ମାରିଲେ ବାହାରୁଛି ବଲଟିଏ ପାଣି । ପୂର୍ବ ସରକାରଙ୍କ ପକ୍ଷରୁ ଏହି ଗାଁରେ ଏକ ସୋଲାର ଜଳଯୋଗାଣ ଵ୍ୟଵସ୍ଥା ହୋଇଥିଲା । ହେଲେ ତାହା ମଧ୍ୟ ଏକ ବର୍ଷ ହେଲା ଅଚଳ ହୋଇ ପଡିଛି । ଫଳରେ ପାଣଇ ପାଇଁ ଦହଗଞ୍ଜ ହେଉଛନ୍ତି ମହିଳା। 

ଗାଁରେ ନାହିଁ ଅଙ୍ଗନବାଡି କେନ୍ଦ୍ର କିମ୍ବା ବିଦ୍ୟାଳୟ । ପାଠ ପଢିବା ପାଇଁ ଛାତ୍ରଛାତ୍ରୀ ଚାରି କିଲୋମିଟର ଚାଲିବାକୁ ପଡୁଛି।  ଜଙ୍ଗଲିଆ ଅଞ୍ଚଳରେ ଗମନାଗମନ ର ବ୍ୟବସ୍ଥା ନଥିବା କାରଣରୁ ଦୁରକୁ ଯାଇ ପାଠ ପଢିବାକୁ ପିଲେ ଆଗ୍ରହ ପ୍ରକାଶ କରୁନାହାନ୍ତି। ଫଳରେ ଅଭିଭାବକ ମାନେ ସହରରେ ରହୁଥିବା  ସମ୍ପର୍କୀୟ ଙ୍କ ଘରେ ରଖି ପାଠ ପଢ଼ିବାକୁ ବାଧ୍ୟ ହୋଇଥାନ୍ତି । ଯାହାର ସମର୍କୀୟ ନାହାନ୍ତି ସେମାନଙ୍କ ପିଲା ପାଠ ପଢିବାରୁ ବଂଚିତ ହୋଇ ଗାଁ ରେ ରହୁଛନ୍ତି । 

ସେହିପରି ରାସନ ପାଇଁ ନିଜ ପଂଚାୟତ କୁ ଯିବାପାଇଁ ଅନେକ ଦୂର ପାଦରେ ଚାଲିବାକୁ ପଡିଥାଏ।ଗାଁ ର ବିକାଶ ପାଇଁ ସରପଞ୍ଚ ଙ୍କ ଠାରୁ ଆରମ୍ଭ କରି ବ୍ଲକ ପର୍ଯ୍ୟନ୍ତ ଅଭିଯୋଗ କରିଥିଲେ ମଧ୍ୟ ପୂର୍ବ ସରକାର  କୋଣସି ଦୁଃଖ ବୁଝିନଥିବା ବେଳେ ଏବେ ନୂଆଁ ସରକାର ନିଶ୍ଚୟ ଦୁଃଖ ଶୁଣିବ ବୋଲି ଗ୍ରାମବାସୀ ଆଶା ରଖିଛନ୍ତି