ରାଜ୍ୟରେ ଚତୁର୍ଥ ଦିନରେ ଡ୍ରାଇଭରଙ୍କ ଆନ୍ଦୋଳନ । ଯେଉଁଥି ପାଇଁ ନାହିଁନଥିବା ହନ୍ତସନ୍ତ ହେଉଛନ୍ତି ଓଡ଼ିଶାବାସୀ । ସରକାରଙ୍କ ସହ ଆଲୋଚନାରୁ ବାହାରିପାରିଲାନି କୌଣସି ନିଷ୍କର୍ସ । ଦାବି ପୂରଣ ନେଇ ଜିଦରେ ଅଟଳ ଡ୍ରାଇଭର ମହାସଂଘ । ଆନ୍ଦୋଳନ ଯୋଗୁ ଆସିପାରୁନି ପେଟ୍ରୋଲ, ଡିଜେଲ ଟ୍ୟାଙ୍କର । ତେଲ ଶେଷ ହେବା ଆଶଙ୍କାରେ ପେଟ୍ରୋଲ ପମ୍ପରେ ଲୋକଙ୍କ ଲମ୍ବା ଲାଇନ୍ ଲାଗୁଛି । ସେପଟେ ଖାଦ୍ୟ ଯୋଗାଣ ଓ ଖାଉଟି କଲ୍ୟାଣ ମନ୍ତ୍ରୀ କହିଛନ୍ତି, ରାଜ୍ୟରେ ପେଟ୍ରୋଲ - ଡିଜେଲ ସମସ୍ୟା ନାହିଁ ।

ବଲାଙ୍ଗୀର ଜିଲ୍ଲା ପୁଇଁନ୍ତଳା ଅଞ୍ଚଳରେ ମଧ୍ୟ ଦେଖିବାକୁ ମିଳିଛି ସମାନ ଚିତ୍ର । ପୁଇଁନ୍ତଳା ଅଞ୍ଚଳ ପେଟ୍ରୋଲ ପମ୍ପ ଗୁଡ଼ିକରେ ଶେଷ ହୋଇଗଲାଣି ତେଲ । ଯେଉଁଥିପାଇଁ ନାହିଁ ନଥିବା ହଇରାଣ ହେଉଛନ୍ତି ଲୋକେ ।

୪ ଦିନ ହେଲା ଜାରି ରହିଛି ଡ୍ରାଇଭର ମହାସଂଘର ଆନ୍ଦୋଳନ। ରାଜ୍ୟ ସରକାର ଡ୍ରାଇଭର ମାନଙ୍କ ଦାବି ଉପରେ କଣ ବିଚାର କରିବେ ଏବଂ ଡ୍ରାଇଭର ମହାସଂଘ ଆନ୍ଦୋଳନରୁ କେବେ ଓହରିବ ତାହା ଉପରେ ସମସ୍ତଙ୍କ ନଜର ।

ଅନ୍ୟପଟେ ରାହୁଲ ଗାନ୍ଧିଙ୍କ ସମ୍ବିଧାନ ବଞ୍ଚାଅ ଆନ୍ଦୋଳନକୁ ବିରୋଧ କରିବା ପାଇଁ ରାଜ୍ୟବାସୀଙ୍କୁ ହଇରାଣ କରୁଛନ୍ତି ମୋହନ ସରକାର । ଡ୍ରାଇଭର ଆନ୍ଦୋଳନକୁ ନେଇ ବିଜେପି ସରକାର ଷଡ଼ଯନ୍ତ୍ର କରୁଛି ବୋଲି କହିଛନ୍ତି ପିସିସି ସଭାପତି ଭକ୍ତଚରଣ ଦାସ । ସେ କହିଛନ୍ତି, ସମ୍ବିଧାନ ବଞ୍ଚାଅ ଆନ୍ଦୋଳନ କେହି ରୋକି ପାରିବେ ନାହିଁ । ସେପଟେ ଏହାର କାଉଣ୍ଟରରେ ବିଜେପି ବିଧାୟକ ବିଭୁତି ଭୂଷଣ ପ୍ରଧାନ କହିଛନ୍ତି, ରାଜ୍ୟରେ ଆମର ସରକାର ଅଛି । ସରକାରଙ୍କୁ ଅଡୁଆରେ ପକାଇ ଆନ୍ଦୋଳନ କରିବୁ କି ? କଂଗ୍ରେସର ମତିଭ୍ରମ ହୋଇଛି । ସେଥିପାଇଁ ସେମାନେ ଏପରି ଅଭିଯୋଗ କରିଛନ୍ତି ।

Argus News | argus news | -Argusnews Home: Odisha Latest News, Breaking News, Trending News, Live TV and more