ଲଗାତାର ଆଠଗଡ଼ ବିଧାନସଭାରୁ ୮ ଥର ବିଜୟ ବିଧାୟକ ରଣେନ୍ଦ୍ର ପ୍ରତାପ ସ୍ଵାଇଁ । ଆଦିବାସୀ ଲୋକଙ୍କ ଦୁଃଖ ଦୂର କରିବାରେ ଫେଲ । ଦେହ ଖରାପ ହେଲେ ସାହିକୁ ଆସି ପାରୁନି ଆମ୍ବୁଲାନ୍ସ, ନଳକୂପ ପାଣି ଖରାପ । ପାଇପ ବିଛାଯାଇଥିଲେ ମଧ୍ୟ ପାଣି ପାଇଁ କନେକକ୍ସନ ହୋଇନାହିଁ । ପୂର୍ବ ବିଜେଡି ସରକାର କରିପାରିଲାନି। ବିଜେପି ସରକାରଙ୍କ ଠାରୁ ଆଶା, ଚିତ୍ର ବଦଳିବ ।

ଆଠଗଡ଼ ବ୍ଳକ ରାଧାକିଶୋରପୁର ପଞ୍ଚାୟତ ଅଧିନ ଗାଣ୍ଡୁଆଝର ଆଦିବାସୀ ଗ୍ରାମ । ଏଠାରେ ଶିକ୍ଷା,ସ୍ୱାସ୍ଥ୍ୟ, ଗମନାଗମନ ପାନୀୟଜଳ ସବୁକିଛି ଫେଲ ମାରିଛି। ଗ୍ରାମରେ ୩୦ରୁ ଅଧିକ ପରିବାର କିନ୍ତୁ କାହାରି ଜାଗା ପଟ୍ଟା ନାହିଁ । ୪୦ ରୁ ଅଧିକ ଶିଶୁ ମାଡ଼ି ନାହାଁନ୍ତି ଅଙ୍ଗନବାଡ଼ି । ସ୍ୱାସ୍ଥ୍ୟ କଥା ନ କହିବା ଭଲ । କାହାର ଦେହ ଖରାପ ହେଲେ ଆମ୍ବୁଲାନ୍ସ ସାହିକୁ ଆସି ପାରୁ ନଥିବା ଅଭିଯୋଗ ।

ଗାଁରେ ରହିଛି ୨ଟି ନଳକୂପ ଏବଂ ରାସ୍ତାରେ ବିଛାଯାଇଛି ପାଣି ପାଇପ । କିନ୍ତୁ ନଳକୂପ ପାଣି ଖରାପ । ପାଇପ ବିଛାଯାଇଥିଲେ ମଧ୍ୟ ପାଣି ଆସୁନି । ପାଣି ପାଇଁ ଗାଁ ପୋଖରୀ ଭରସା । ଆଠଗଡ଼ ସହକାରୀ ଜିଲ୍ଲାପାଳଙ୍କୁ ଏନେଇ ଅବଗତ କରାଯାଇଛି । ସମସ୍ୟାର ସମାଧାନ ପାଇଁ ଚେଷ୍ଟା କରାଯାଉଛି ବୋଲି ସେ କହିଛନ୍ତି ।

ଆଠଗଡ଼ ବିଧାନସଭାରୁ ୮ ଥର ବିଜୟ ହୋଇଥିବା ବିଧାୟକ ରଣେନ୍ଦ୍ର ପ୍ରତାପ ସ୍ଵାଇଁ ଆଦିବାସୀ ଲୋକଙ୍କ ଦୁଃଖ ଦୂର କରିବାରେ ଫେଲ । ଏବେ ବିଜେପି ସରକାରଠାରୁ ଲୋକଙ୍କ ଆଶା ସ୍ଥିତି ବଦଳିବ।