ମଦ ପିଇବାକୁ ମନା କରିବା ହେଲା କାଳ, ମାରିଦେଲେ ବୃଦ୍ଧଙ୍କୁ

ମଦ ପିଇବାକୁ ମନା କରିବା ହେଲା କାଳ । ମଦ୍ୟପ ବ୍ୟକ୍ତି ମାଡ଼ରେ ବୃଦ୍ଧଙ୍କ ମୃତ୍ୟୁ । ଏଭଳି ଅଭାବନୀୟ ଘଟଣା ଦେଖବାକୁ ମିଳିଛି ବୌଦ୍ଧ ଘଣ୍ଟାପଡ଼ା ଥାନା ଉମା ଗାଁରେ । ମୃତକ ସେହି ଗାଁର ଉମାକାନ୍ତ ଭୋଇ । ଅଭିଯୁକ୍ତ ବଂନଶୀ ଭୋଇଙ୍କୁ ପୋଲିସ ଗିରଫ କରି କୋର୍ଟ ଚାଲାଣ କରିଛି । ବଂନଶୀ ଭୋଇ ଅତ୍ୟଧିକ ମଦ ପିଇ ଗାଁ ଦାଣ୍ଡ ରେ ପାଟି ତୁଣ୍ଡ କରି ଅସଭ୍ୟ ଭାଷାରେ ଗାଳି ଗୁଲଜ କରୁଥିଲେ । ଏହା ଦେଖି ସେହି ଗାଁ ର ପଡ଼ୋଶୀ ଉମାକାନ୍ତ ଭୋଇ ଆସି ତାଙ୍କୁ ବାରଣ କରିବା ସହ ମଦ ପିଇବା ପାଇଁ ମନା କରିଥିଲେ ।

ଏଥିରେ ଉତକ୍ଷିପ୍ତ ହୋଇ ଉମାକାନ୍ତ ଗୋଇଠା ମାରିଥିଲେ । ଘଟଣା ସ୍ଥଳରେ ବେହୋସ ହୋଇଯାଇଥିଲେ ଉମାକାନ୍ତ । ସ୍ଥାନିୟ ଲୋକେ ତାଙ୍କୁ କଣ୍ଟାମାଳ ଚିକିତ୍ସାକେନ୍ଦ୍ରରେ ଭର୍ତ୍ତି କରିଥିବା ବେଳେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ ।  ଏଖବର ପରେ ସ୍ଥାନୀୟ ଅଞ୍ଚଳରେ ଭୟର ବାତାବରଣ ଖେଳିଯାଇଛି।