ଅର୍ଗସ ବ୍ୟୁରୋ: ନିର୍ବାଚନୀ ବର୍ଷ ୨୪ ଆଣିବ ତିନି ଦଳ ପାଇଁ ଅନେକ ଆହ୍ଵାନ । ନୂଆ ବର୍ଷ - ନିର୍ବାଚନ - ନୂଆ ଚ୍ୟାଲେଞ୍ଜ । ଦେଶ, ବିଦେଶ, ପ୍ରଦେଶ...ସବୁଠି ନୂତନ ବର୍ଷ ପାଇଁ ନନଷ୍ଟପ ସେଲିବ୍ରେସନ । ତେବେ ନବ ବର୍ଷର ଉତ୍ସାହ ଭିତରେ ନିର୍ବାଚନୀ ବର୍ଷ ଆଣିଛି ରାଜନୈତିକ ଦଳ ମାନଙ୍କ ପାଇଁ ଅନେକ ଚ୍ୟାଲେଞ୍ଜ ।

ବିଜେଡି ପାଇଁ ଆହ୍ଵାନ

- ନବୀନଙ୍କ ନେତୃତ୍ଵରେ ବିଧାୟକ ହେବା ପାଇଁ ଆଶା କରିଥିବା ନେତାଙ୍କ ଟିକେଟ କଟିଲେ ବଢିବ କି ରାଜୁ ସିଣ୍ଡ୍ରୋମ ?
- ରାଜ୍ୟ ସାରା ବଢୁଥିବା ସରକାର ବିରୋଧୀ ହାୱାକୁ କେମିତି ସାମ୍ନା କରିବ ଶଙ୍ଖ ଦଳ
- ୨୦୧୯ରେ ରାଜ୍ୟବାସୀଙ୍କୁ ଦେଇଥିବା ପ୍ରତିଶ୍ରୁତି ଓ କରିଥିବା ଘୋଷଣା ହୋଇନି ସମ୍ପୂର୍ଣ୍ଣ
- ଉପରମୁହାଁ ମହିଳା ବିରୋଧୀ ଅପରାଧ, ପିସି କାରବାର, ଚିଟଫଣ୍ଡ ଦୁର୍ନିତୀ, ଚାଷୀଙ୍କୁ ପ୍ରତାରଣା

ବିଜେପି ପାଇଁ ଆହ୍ଵାନ...

- ୨୦୧୯ରେ ଲୋକସଭାର ୩୮% ଭୋଟ ବିଧାନସଭାରେ ଦଳକୁ ଆସି ପାରିନଥିଲା
- ମୋଦି ଭୋଟକୁ ବିଧାନସଭାରେ ରୂପାନ୍ତରିତ କରିବା ହେବ କି ସମ୍ଭବ ?
- ମୋଦି ଗ୍ୟାରେଣ୍ଟିର ଭରସା କେମିତି ଲୋକଙ୍କ ପାଖରେ ପହଞ୍ଚାଇବେ ନେତା ଓ କର୍ମକର୍ତ୍ତା
- ପ୍ରତି ବୁଥରୁ କେମିତି ଆସିବ ୫୦ ପ୍ରତିଶତ ଭୋଟ୍

କଂଗ୍ରେସ ପାଇଁ ଆହ୍ଵାନ...

- କଂଗ୍ରେସର ଦିଲ୍ଲୀ ନେତୃତ୍ଵ ଦୁର୍ବଳ
- ଓଡିଶା କଂଗ୍ରେସକୁ ସାହା ହୋଇପାରିବ କି ରାଷ୍ଟ୍ରୀୟ ନେତୃତ୍ଵ
- ଲୋକଙ୍କ ମଧ୍ୟରେ ଆସ୍ଥା ଫେରାଇବା ହେବ ବଡ ଚ୍ୟାଲେଞ୍ଜ
- ଦଳୀୟ ଅନ୍ତଃ କନ୍ଦଳ, ଦୁର୍ବଳ ସଂଗଠନକୁ ସଜାଡି ପାରିବ ତ କଂଗ୍ରେସ

ସେପଟେ ରାଜ୍ୟର ତିନି ପ୍ରମୁଖ ଦଳ ପାଇଁ ୨୦୨୪ ଭିନ୍ନ ଭିନ୍ନ ଚ୍ୟାଲେଞ୍ଜ ଆଣିବ ବୋଲି ଆକଳନ କରିଛନ୍ତି ରାଜନୈତିକ ସମୀକ୍ଷକ ।

ପାଞ୍ଚ ପାଞ୍ଚ ଥର ବହୁମତ ପାଇ ପଞ୍ଚମ ପାଳିରେ ଶାସନ କରୁଛି ବିଜୁ ଜନତା ଦଳ । ହେଲେ ଷଷ୍ଠ ପାଳିରେ ବିଜେଡି ଆଗରେ ଅସୁମାରୀ ଆହ୍ଵାନ । ମୁଖ୍ୟ ବିରୋଧୀ ଦଳର ବଳିଷ୍ଠ ରଣନୀତି ଗ୍ରାଉଣ୍ଡରେ କେମିତି ସଫଳତାର ସହ କାର୍ଯ୍ୟକାରୀ ହେବ ? ଆଉ ବିଜେପି - ବିଜେଡି ଟକ୍ଟର ଭିତରେ କଂଗ୍ରେସ କେମିତି ନିଜର ଅସ୍ତିତ୍ଵ ବଜାୟ ରଖିବ ତା ଉପରେ ନଜର ।

Argus News: ଓଡ଼ିଶାର ଖବର | Breaking News, ରାଜନୀତି, କ୍ରୀଡ଼ା ଓ Live TV