ଭୁବନେଶ୍ଵର: ରାଜଧାନୀରେ ପୁଣି ଏନକାଉଣ୍ଟର । ପୋଲିସ ଗୁଳିରେ ନିଶା ମାଫିଆ ଜଖମ । ନିଶା ମାଫିଆ ଶେଖ ଜାମସେଦକୁ ଏନକାଉଣ୍ଟର କରିଛି କମିଶନରେଟ ପୋଲିସର ସ୍ପେଶାଲ କ୍ରାଇମ ୟୁନିଟ୍ । ଜାମସେଦର ବାମ ଗୋଡ଼ରେ ଗୁଳି ବାଜିଛି । ତାକୁ ଗୁରୁତର ଅବସ୍ଥାରେ ହସ୍ପିଟାଲ୍‌ରେ ଭର୍ତ୍ତି କରାଯାଇଛି ।

ଖଣ୍ଡଗିରି ପାହାଡ଼ ନିକଟରେ ଜାମସେଦକୁ ଏନକାଉଣ୍ଟର କରିଛି ପୋଲିସ । ଜାମସେଦ ଘର ଝାରପଡ଼ା ଅଞ୍ଚଳରେ । ଜାମସେଦକୁ ଧରିବାକୁ ଯାଇଥିବା ବେଳେ ପୋଲିସକୁ ଦେଖି ସେ ଗୁଳି ଚଳାଇଥିଲା । ଏହାପରେ ପାଲଟା ଜବାବ ଦେଇଥିଲା ପୋଲିସ ।

ଜାମସେଦ ନିକଟରୁ ଏକ ବନ୍ଧୁକ ଜବତ ହୋଇଛି । ଗତ କିଛି ଦିନ ତଳେ ଦୁଇଜଣ ବିହାରୀ ଲୁଟେରାକୁ ଏନକାଉଣ୍ଟର କରିଥିଲା ସ୍ପେଶାଲ ସ୍କ୍ଵାଡ୍ । ଗତ ୨ ମାସରେ ୫ ଜଣ ଅପରାଧୀଙ୍କୁ ଏନକାଉଣ୍ଟର କଲାଣି କମିଶନରେଟ୍ ପୋଲିସ ।