ନୂଆପଡ଼ା ସିନାପାଲି ବ୍ଲକର ଦୁର୍ଗମ ବଣ ପାହାଡ଼ ଘେରା ନଙ୍ଗଳବୋର୍ଡ଼ ପଞ୍ଚାୟତ l ଏହି ପଞ୍ଚାୟତରେ ଅନେକ ସରକାରୀ ଅଫିସ ସହ ରହିଛି ଛୋଟ ବଡ଼ ଗାଁ l ହେଲେ ନେଟୱାର୍କ ସମସ୍ୟା ଏଠାକାର ଲୋକଙ୍କୁ ଚିନ୍ତା ବଢ଼ାଇଛି l ନେଟୱାର୍କ ପାଇଁ କେତେବେଳେ ଗଛ ଉପରକୁ ଚଢିବାକୁ ପଡୁଛି ତ କେତେବେଳେ ଛାତ ଉପରକୁ ଚଢ଼ିବାକୁ ପଡେ l ବେଳେବେଳେ ତ ପାହାଡ଼ ଉପରକୁ ଯାଇ ନେଟୱାର୍କ ଖୋଜା ଚାଲେ l ଅନଲାଇନରେ ପାଠପଢା ହେଉକି କିଛି ସରକାରୀ କାମ ନେଟୱର୍କ ସମସ୍ୟା ପାଇଁ ହନ୍ତସନ୍ତ ହେଉଛନ୍ତି ଅଞ୍ଚଳବାସୀ।

ଆଜିକୁ 3 ବର୍ଷ ତଳେ ନଙ୍ଗଳବୋର୍ଡ଼ ଠାରେ ଟାୱାର ସ୍ଥାପନ ହୋଇଛି l ହେଲେ ଆଜି ଯାଏଁ ନେଟୱାର୍କର ଦେଖା ନାହିଁ l ଇଣ୍ଟରନେଟ ସେବା ନ ଥିବାରୁ ବିଭିନ୍ନ ସରକାରୀ ଅଫିସ କାମ ଏବଂ ତାଲିମ, ଅନଲାଇନ କାମ ଠପ ହୋଇ ପଡିଛି l ଦୁର୍ଗମ ନଙ୍ଗଳବୋର୍ଡ଼ ରେ ମୋବାଇଲ ନେଟୱାର୍କ ସମସ୍ୟା l ଟାୱାର ଅଛି ହେଲେ ନେଟୱାର୍କର ଦେଖା ନାହିଁ l ଗଛ, ଛାତ ଏବଂ ପାହାଡ଼ ଚଢ଼ି ଚାଲିଛି ନେଟୱାର୍କ ଖୋଜା lବଣ ପାହାଡ ଘେରା ଦୁର୍ଗମ ଅଞ୍ଚଳରେ ମୋବାଇଲ ସେବା ଠପ୍ । ନେଟୱର୍କ ନଥିବାରୁ ଅସୁବିଧା ଭୋଗୁଛନ୍ତି ଗ୍ରାମବାସୀ। ଗାଁ ଶେଷରେ ଥିବା ଟାୱାର ଏଠି ପାଲଟିଛି ପ୍ରହସନ ।