ସରକାର ଦେଶରେ ପେଟ୍ରୋଲ ଏବଂ ଡିଜେଲ ଉପରେ ଏକ୍ସାଇଜ ଡ୍ୟୁଟି( ଉତ୍ପାଦ ଶୁଳ୍କ) ଲିଟର ପିଛା ୨ ଟଙ୍କା ବୃଦ୍ଧି କରିଛନ୍ତି । ରାଜସ୍ୱ ସଂଗ୍ରହ ବୃଦ୍ଧି ଏବଂ ବଜେଟ୍ ନିଅଣ୍ଟ ନିୟନ୍ତ୍ରଣ ପାଇଁ କେନ୍ଦ୍ର ସରକାରଙ୍କ ରଣନୀତିର ଏକ ଅଂଶ ଭାବରେ ଏହି ନିଷ୍ପତ୍ତିକୁ ବିବେଚନା କରାଯାଉଛି । ବର୍ଦ୍ଧିତ ଉତ୍ପାଦ ଶୁଳ୍କ ଲାଗୁ ହେବା ମାତ୍ରେ, ତୈଳ କମ୍ପାନୀଗୁଡ଼ିକ ଏହାକୁ ଗ୍ରାହକଙ୍କ ଉପରେ ଲଦି ଦେଇପାରନ୍ତି । ଯାହା ଫଳରେ ପେଟ୍ରୋଲ ଏବଂ ଡିଜେଲର ଖୁଚୁରା ମୂଲ୍ୟ ଶୀଘ୍ର ବୃଦ୍ଧି ପାଇପାରେ ବୋଲି ଆଶା କରାଯାଉଥିଲା । କିନ୍ତୁ ପେଟ୍ରୋଲିୟମ ବିଭାଗ ପକ୍ଷରୁ ବଢିବନି ବୋଲି ଘୋଷଣା କରାଯାଇଛି । ବର୍ତ୍ତମାନ ଅଶୋଧିତ ତୈଳର ଅନ୍ତର୍ଜାତୀୟ ମୂଲ୍ୟରେ ଅସ୍ଥିରତା ରହିଛି ।

ଏପରି ପରିସ୍ଥିତିରେ, ଏହି ପଦକ୍ଷେପ ସାଧାରଣ ଲୋକଙ୍କ ପକେଟ ଉପରେ ଅତିରିକ୍ତ ବୋଝ ପକାଇଥାନ୍ତା । ବିଶେଷକରି ଯେଉଁମାନେ ପ୍ରତିଦିନ ଯାନରେ ଯାତ୍ରା କରନ୍ତି କିମ୍ବା ପରିବହନ କ୍ଷେତ୍ର ସହିତ ଜଡିତ ସେମାନଙ୍କ ଉପରେ। ବିଶେଷଜ୍ଞମାନେ ବିଶ୍ୱାସ କରନ୍ତି ଯେ ଯଦି ଅନ୍ତର୍ଜାତୀୟ ବଜାରରେ ଅଶୋଧିତ ତୈଳର ମୂଲ୍ୟ ସ୍ଥିର ରହେ, ତେବେ ଏହାର ପ୍ରଭାବ ସୀମିତ ହୋଇପାରେ । କିନ୍ତୁ ଯଦି ମୂଲ୍ୟ ବୃଦ୍ଧି ପାଏ, ତେବେ ଏହା ମୁଦ୍ରାସ୍ଫୀତି ଉପରେ ମଧ୍ୟ ପ୍ରଭାବ ପକାଇପାରେ । ବର୍ଦ୍ଦିତ ଏକ୍ସାଇଜ ଡ୍ୟୁଟି ପିଏସୟୁ ବହନ କରିବ ବୋଲି କୁହାଯାଇଛି।