ସାବଧାନ...ବଜାରରେ ବୁଲୁଛି ପୁଳା ପୁଳା ନକଲି ମେଡିସିନ । ରୋଗୀଙ୍କ ବିଶ୍ଵସରେ ଦିଆଯାଉଛି ବିଷ । ମାର୍କେଟରେ ବୁଲୁଛି ପୁଳା ପୁଳା ନକଲି ମେଡିସିନ । ୪ ବର୍ଷରେ ଚିହ୍ନଟ ହେଲାଣି ୧୬୮ ନକଲି ମେଡିସିନ । ଆଉ ୩୮୮ଟି ନିମ୍ନମାନର ମେଡ଼ିସିନ । ଗତ ୪ ବର୍ଷରେ ଅଢେଇ କୋଟିର ଉର୍ଦ୍ଧ୍ୱ ଟଙ୍କାର ନକଲି ମେଡ଼ିସିନ ଜବତ କଲେଣି ସରକାର । ବିଧାନସଭାରେ ସ୍ୱାସ୍ଥ୍ୟମନ୍ତ୍ରୀଙ୍କ ଲିଖିତ ଉତ୍ତରରେ ଏହି ତଥ୍ୟ ସାମ୍ନାକୁ ଆସିଛି ।

୨୦୨୧ ରୁ ୨୦୨୪-୨୫ ଭିତରେ ୧୬୮ଟି ନକଲି ମେଡିସିନ ଚିହ୍ନଟ ହୋଇଛି । ସେହିଭଳି ୩୮୮ଟି ନିମ୍ନ ମାନର ମେଡ଼ିସିନ ଯାହାକି ଆବଶ୍ୟକୀୟ ଗୁଣବତ୍ତା ଏବଂ ପ୍ରଭାବଶାଳୀ ମାନଦଣ୍ଡ ପୂରଣ କରିବାରେ ବିଫଳ ହୋଇଛି । ଅର୍ଥାତ nsq ବା not of standard quality ।

୨୦୨୧ରେ ୭୯ ଟି, ୨୦୨୨ରେ ୬୪ଟି, ୨୦୨୩ରେ ୧୪ଟି ଏବଂ ୨୦୨୪ରେ ୧୧ ଟି ନକଲି ମେଡ଼ିସିନ ଚିହ୍ନଟ ହୋଇଛି । ଟେଲମା ୪୦, ପାନ୍୪୦, O2, ଜିରୋଡଲ ଏସପି, ପାରାସିଟାମଲ ପେଡ଼ିଆଟ୍ରିକ୍ ସିରପ୍, ପାରାସିଟାମଲ ଟାବଲେଟ୍‌, ରାନିଟିନ୍, ଆମଲକାଇଣ୍ଡ, ପାରାସିଟାମୋଲ୍ ଟାବଲେଟ୍, ପାଣ୍ଟାପ୍ରାଜୋଲ୍, ଲିଭୋଷ୍ଟାଇଜିଂ, ପାଣ୍ଟାପ୍-୪୦, ସିଲଭାମ୍ ୬୨୫, ରାବେପ୍ରାଜୋଲ୍ ଭଳି ଦୈନନ୍ଦିନ ବ୍ୟବହୃତ ମେଡିସିନର ନକଲି ମେଡ଼ିସିନ ବି ବଜାରରେ ବହୁଳ ମାତ୍ରରେ ବୁଲୁଛି ।

ଆହୁରି ପଢ଼ନ୍ତୁ: ବହୁଚର୍ଚ୍ଚିତ କନେଷ୍ଟବଳ ଶୁଭମିତ୍ରା ହତ୍ୟା ମାମଲା: ୬୮୦ ପୃଷ୍ଠାର ଚାର୍ଜସିଟ୍

କିଛିଦିନ ପୂର୍ବରୁ ମଧ୍ୟ ବିଧାନସଭାରେ ଲିଖିତ ଭାବରେ ଉତ୍ତର ରଖିଥିଲେ ସ୍ଵାସ୍ଥ୍ୟମନ୍ତ୍ରୀ ମୁକେଶ ମହାଲିଙ୍ଗ । ବାହାର ରାଜ୍ୟରୁ ଓଡ଼ିଶାକୁ ଆସୁଥିଲା ନକଲି ଔଷଧ । ୩ବର୍ଷରେ ୧୦୩ଟି ମେଡିସିନ ନିମ୍ନମାନର ଥିବା ଧରାପଡିଛି ।

ମାର୍କେଟରେ କିପରି ନକଲି ମେଡିସିନ ବୁଲୁଛି ସେନେଇ ବିଧାନସଭାରେ ସ୍ୱାସ୍ଥ୍ୟ ମନ୍ତ୍ରୀ ମୁକେଶ ମହାଲିଙ୍ଗ ଲିଖିତ ଉତ୍ତରରେ ତଥ୍ୟ ରଖିଛନ୍ତି । ବାହାର ରାଜ୍ୟରୁ ଓଡ଼ିଶାକୁ ଆସୁଛି ନକଲି ମେଡ଼ିସିନ । ମାର୍କେଟରେ ଜିଙ୍କ୍ ସଲଫେଟ, ସୋଡିୟମ ଲାକଟେଟ, ହେପ୍ରେନ ସୋଡିୟମ ଇଂଜେକସନ ନିମ୍ନ ମାନର ବୋଲି ଜାଣା ପଡ଼ିଛି ।

ଉତ୍ତରପ୍ରଦେଶ, ମଧ୍ୟପ୍ରଦେଶ, କଲିକତା, ହାଇଦ୍ରାବାଦ ଆଦି ସ୍ଥାନରୁ ଓଡିଶା କୁ ଆସୁଥିଲା ନକଲି ମେଡ଼ିସିନ । ତିନି ବର୍ଷରେ ୧୦୩ ଟି ମେଡ଼ିସିନ ନିମ୍ନ ମାନର ଥିବା ଧରା ପଡ଼ିଛି । ୪ ସପ୍ଲାୟର ଙ୍କ ସମେତ ସେହି କମ୍ପାନୀ କୁ କଳା ତାଲିକା ଭୁକ୍ତ କରାଯାଇଛି । ୨୦୨୨-୨୩ ରେ ୪୫ ଟି ମେଡ଼ିସିନ କୁ ନିମ୍ନ ମାନର ଘୋଷଣା କରାଯାଇଛି । ସେହିପରି ୨୦୨୩-୨୪ ରେ ୩୨ ଟି, ୨୦୨୪-୨୫ ରେ ୨୬ ଟି ମେଡ଼ିସିନ ନିମ୍ନ ମାନର ଥିବା ଧରା ପଡ଼ିଛି ।

ଅଧିକ ପଢ଼ନ୍ତୁ ଓଡ଼ିଶା ଖବର...