ଛାତିକୁ ପିଟି ମୁଣ୍ଡକୁ ବାଡ଼େଇ କାନ୍ଦୁଛନ୍ତି ପୁରା ପରିବାର । ସବୁ କିଛି ଆଜି ସରି ଯାଇଛି । ପାଉଁଶକୁ ଧରି ତଳେ ବସି ପଡ଼ୁଛନ୍ତି । କାରଣ ଆଉ କିଛି ନାହିଁ । ସବୁ କିଛି ପାଉଁଶ ହୋଇ ଯାଇଛି । ଚାରି ଆଡ଼େ ଖାଲି ଭାଶୁଛି କୋଟି କୋଟି ଟଙ୍କାର ପାଉଁଶ । ଜୀବନ ସାରାର ପରିଶ୍ରମ ସବୁ ସଫଳତା ଆଜି ପାଉଁଶରେ ପରିଣତ ହୋଇ ଯାଇଛି ।

ଜୀବନ ସାରା କଷ୍ଟ କରି ଯେଉଁ ଟଙ୍କା ରୋଜଗାର କରିଥିଲେ ଗୋଟିଏ ଥରକରେ ସବୁ ଆଜି ଜଳି ପୋଡ଼ି ପାଉଁଶ ହୋଇ ଯାଇଛି । ଏକଥାକୁ କେମିତି ବା ସମ୍ଭାଳିବେ । ସେଥିପାଇଁ ଚିତ୍କାର କରି କାନ୍ଦୁଛନ୍ତି ସମସ୍ତେ । ପାଉଁଶକୁ ଦେଖି ପୁରା ପରିବାରର ମନ ଜଳି ଯାଉଛି । ଭେଁ ଭେଁ ହୋଇ କାନ୍ଦୁଛନ୍ତି ସମସ୍ତେ । ଏ ସବୁ କଣ ପାଇଁ କଲ ବୋଲି ଭଗବାନଙ୍କୁ ପ୍ରଶ୍ନ କରୁଛନ୍ତି ।

ସୁପର ମାର୍ଟ ପୋଡ଼ିଗଲା ପରେ ତା ଭିତରର ଦୃଶ୍ୟ । ସବୁ କିଛି ଏବେ ଜଳି ପୋଡ଼ି ପାଉଁଶରେ ପରିଣତ ହୋଇ ଯାଇଛି । କୋଟି କୋଟି ଟଙ୍କାର ସବୁ ଜିନିଷ ପୋଡ଼ି ଆଜି ପାଉଁଶ ହୋଇଯାଇଛି । ଚାରିଆଡ଼େ ସବୁ ପାଉଁ ଗଦା ହୋଇ ରହିଛି । ସବୁ ପରିଶ୍ରମ ଆଜି ଜଳିଯାଇଛି ।

ସେ ଦୃଶ୍ୟକୁ ଦେଖିଲେ ଛାତି ଫାଟି ପଡ଼ିବ । ଯେଉଁ ସୁପରମାର୍ଟକୁ ଝାଳବୁହା ଧନରେ କରିଥିଲେ । ସେହି ସୁପର ମାର୍ଟ ଆଖି ସାମ୍ନାରେ ଜଳିଯିବ କୋହ କେମିତିବା ସମ୍ଭାଳିବ । ସେଥିପାଇଁ ତ ଲୁହର ବନ୍ୟା ବିଲକୁଲବି ଥମୁ ନାହିଁ । କାରଣ ତାଙ୍କ ପାଖରୁ ଆଜି ସବୁ କିଛି ଚାଲି ଯାଇଛି ।

ସୂଚନା ମୁତାବକ ଦୀର୍ଘ ୨୧ ଘଣ୍ଟା ପରେ ସୁପର ମାର୍ଟରୁ ନିଆଁ ଲିଭିଛି । ହୁତ ହୁତ ହୋଇ ଜଳୁଥିବା ନିଆଁ ଏବେ ଶlନ୍ତ ପଡ଼ି ଯାଇଛି । ଅଗ୍ନିଶମ ବିଭାଗର ବହୁତ ଚେଷ୍ଟା ପରେ ନିଆଁକୁ ଆୟତ୍ତ କରାଯାଇଥିଲା । ରୋବର୍ଟ ସାହାଯ୍ୟରେ ନିଆଁକୁ ଆୟତ୍ତ କରାଯାଇଛି । ତେବେ ଅଗ୍ନିଶମ ବିଭାଗର କହିବା ମୁତାବକ ସୁପରମାର୍ଟରେ ଅଗ୍ନିନିରାପକ ଆଇନକୁ ଉଲଂଘନ କରାଯାଇଛି । ସୁପରମାର୍ଟରେ ମାତ୍ର ଗୋଟିଏ ଦ୍ବାର ଥିଲା । ଏମୋର୍ଜେନ୍ସି ପାଇଁ କିଛି ବାଟ ନଥିଲା । ଯାହା ପାଇଁ ଏତେ ସବୁ କ୍ଷୟକ୍ଷତି ହୋଇଗଲା । ସବୁଠାରୁ ବଡ଼ କଥା ହେଉଛି ନିଆଁ ଏବେ ସବୁ କିଛି ଛାରଖାର କରି ପକାଇଛି । ସୁପରମାର୍ଟର ଛାତ ଟି ମଧ୍ୟ ଫାଟିକି ଆଁ କରିଛି । କେତେବେଳେ ଭୁଷୁଡ଼ିବ କହିହେବ ନାହିଁ ।
ପଢନ୍ତୁ ଏହି ଖବର: ଏବେ ବି ଲିଭିନି ନିଆଁ, ଲିଙ୍ଗିପୁର ସୁପରମାର୍ଟରୁ ବାହାରୁଛି ଧୂଆଁ