କଟକ: ପ୍ରଥମ ଥର ପାଇଁ କଟକ ଆସୁଛନ୍ତି ପ୍ରସିଦ୍ଧ କଥାବାଚକ ସୁଶ୍ରୀ ଜୟାକିଶୋରୀ । ଆପ୍ ଅର୍ ହମ୍ କମିଟି ପକ୍ଷରୁ ଆୟୋଜିତ ତିନି ଦିନିଆ ଭକ୍ତିମୟ କାର୍ଯ୍ୟକ୍ରମ “ନାନିବାଇ କୋ ମାୟରୋ” ରେ ଜାନୁଆରୀ ୩ ରୁ ୫ ତାରିଖ ପର୍ଯ୍ୟନ୍ତ କଟକ ସି ଡି ଏ ବିଡାନାସୀ ମିନି ଷ୍ଟାଡିୟମରେ ତିନି ଦିନ ଧରି ଆୟୋଜିତ ହେବାକୁ ଯାଉଛି ।

ଏହି କାର୍ଯ୍ୟକ୍ରମରେ ମୁଖ୍ୟବକ୍ତା ଭାବେ ଆଧ୍ୟାତ୍ମିକ କଥାବାଚକ ସୁଶ୍ରୀ ଜୟା କିଶୋରୀ ଯୋଗ ଦେବା ସହ ପ୍ରବଚନ ଦେବେ । ଏନେଇ କଟକ ନୟ ସଡକ ଠାରେ ଆୟୋଜିତ ସାମ୍ବାଦିକ ସମ୍ମିଳନୀରେ ଆପ ଔର ହମ ସଂଗଠନ ପକ୍ଷରୁ କୁହାଯାଇଛି । ପୂର୍ବରୁ ଜୟା କିଶୋରୀ ମଧ୍ୟ ଆଧ୍ୟାତ୍ମିକତା ଏବଂ ସଙ୍ଗୀତ କ୍ଷେତ୍ରରେ ଅବଦାନ ପାଇଁ ଅନେକ ପୁରସ୍କାର ଗ୍ରହଣ କରିଛନ୍ତି ।

ତେବେ ତାଙ୍କର କଟକ ଆଗମନକୁ ନେଇ ଦୈନିକ ୫ ହଜାର ଲୋକଙ୍କ ଆଗମନର ଲକ୍ଷ୍ୟ ରଖାଯାଇଛି । ତେବେ ଏହି କାର୍ଯ୍ୟକ୍ରମରେ ଯୋଗ ଦେବା ପାଇଁ ଅତିଥିମାନଙ୍କୁ ସ୍ଵତନ୍ତ୍ର ପାସର ବନ୍ଦୋବସ୍ତ କରାଯାଇଛି । ତେବେ ଏହି କାର୍ଯ୍ୟକ୍ରମକୁ ସଫଳ କରିବା ପାଇଁ ସମସ୍ତଙ୍କୁ ଆପ ଔର ହମ୍ ସଂଗଠନ ପକ୍ଷରୁ ସାମ୍ବାଦିକ ସମ୍ମିଳନୀରେ ନିବେଦନ କରାଯାଇଛି ।