Argus News - ଦୁର୍ବୃତ୍ତଙ୍କ ଗୁଳିମାଡ଼ରେ ଫାର୍ମ ହାଉସ୍ ମାଲିକ ମୃତ

ଢେଙ୍କାନାଳ: ଭୋର୍‌ରୁ ଫୁଟିଲା ଗୁଳି । ଟଳି ପଡ଼ିଲେ ଫାର୍ମ ହାଉସ ମାଲିକ । ଢେଙ୍କାନାଳ ଜିଲ୍ଲା କଳାଙ୍ଗ ଗାଁ ନିକଟ ଫାର୍ମ ହାଉସ୍‌ରେ ଗୁଳିମାଡ଼ ହୋଇଥିବା ବେଳେ ଜଣଙ୍କ ମୃତ୍ୟୁ ହୋଇଛି । ମୃତକ ହେଉଛନ୍ତି ସେହି ଗାଁର ଗୋବିନ୍ଦ ଚନ୍ଦ୍ର ନାୟକ । ଭୋର୍ ସମୟରେ ଫାର୍ମ ହାଉସ୍‌ରେ ଗୋବିନ୍ଦ ଶୋଇଥିବା ବେଳେ ଗୁଳିମାଡ଼ ହୋଇଥିବା ଜଣାପଡ଼ିଛି ।

ତେବେ କିଏ ଓ କାହିଁକି ଗୋବିନ୍ଦଙ୍କୁ ଗୁଳି ମାରିଲା ? ଗୁଳିମାଡ଼ର କାରଣ ସ୍ପଷ୍ଟ ହୋଇ ନଥିବା ବେଳେ ଗୋବିନ୍ଦଙ୍କ ମୃତଦେହ ବ୍ୟବଚ୍ଛେଦ ଲାଗି ଜିଲ୍ଲା ମୁଖ୍ୟ ଚିକିତ୍ସାଳୟକୁ ନିଆଯାଇଛି । ଭାପୁର-ରାସୋଳ ସୀମାନ୍ତ କଳାଙ୍ଗ ଗାଁ ନିକଟରେ ଭୋର୍‌ରେ ଏଭଳି ଗୁଳିକାଣ୍ଡ ହୋଇଛି । ଢେଙ୍କାନାଳ ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ।