କେନ୍ଦୁଝର ଜିଲ୍ଲା ଘସିପୁରା ବ୍ଲକ ଅଞ୍ଚଳରେ ମିଲରଙ୍କ ମନମାନୀ । ଚାଷୀଙ୍କୁ ମିଲର ଶୋଷଣ କରୁଥିବା ଅଭିଯୋଗ । ରାଜ୍ୟ ସରକାର ଚଳିତ ଖରିଫ ଋତୁରେ ମିଲରଙ୍କ ଜରିଆରେ ଚାଷୀଙ୍କଠାରୁ ଧାନ ସଂଗ୍ରହ କରିବାକୁ ନୂତନ ମାର୍ଗ ଦର୍ଶିକା ଜାରି କରିଛନ୍ତି । ଏହାସହ କଟନି ଛଟନି ସମ୍ପୂର୍ଣ୍ଣ ବନ୍ଦ କରିବା ପାଇଁ ଘୋଷଣା ମଧ୍ୟ କରିଛନ୍ତି । କିନ୍ତୁ ଧାନମଣ୍ତିରେ ସରକାରଙ୍କ ଘୋଷଣା ଏଠି ପ୍ରହସନ ପାଲଟି ଥିବା ମନେ ହେଉଛି। ଦେଓଗାଁ, ଖାଳିଆମେଣ୍ଟା, ଶୈଲଙ୍ଗ ଆଦି ସମବାୟ ସମିତିରେ ଚାଷୀଙ୍କୁ ମିଲର ଶୋଷଣ କରୁଥିବା ଅଭିଯୋଗ ହୋଇଛି ।

ଅନେକ ସ୍ଥାନରେ ସମବାୟ ସମିତି ଗୁଡିକରେ ଧାନ କିଣା ଚାଲୁ ଥିଲେ ସୁଦ୍ଧା ତାହା ସମୂଦ୍ରକୁ ଶଙ୍ଖେ ସଦୃଶ । ଚାଷୀ କୁଳ ଧାର କରଜ କରି ଧାନ ଅମଳ କରି ମଣ୍ତିରେ ବିକ୍ରି କରିବାକୁ ଅନାଇ ବସିଥିବା ବେଳେ ମିଲରଙ୍କ ଅସହଯୋଗ ଯୋଗୁଁ ଚାଷୀଙ୍କ ଚିନ୍ତା ବଢିଯାଇଛି । ଅନ୍ୟପଟେ ମିଲ ମାଲିକ ଓ ଜିଲ୍ଲା ନିବନ୍ଧକ ଅଧିକାରୀ ସବୁ କିଛି ଠିକ ଥିବା ପ୍ରକାଶ କରୁଛନ୍ତି ।

ମିଲ ମାଲିକ ଓ ସମବାୟ ସମିତି କର୍ମଚାରୀ ଙ୍କ ମଧୁ ଚନ୍ଦ୍ରିକାରେ ଛନ୍ଦି ହୋଇପଡୁଛନ୍ତି ନିରୀହ ଚାଷୀ। ସରକାରଙ୍କ ଧାନ ର ସହାୟକ ମୂଲ୍ୟ ବୃଦ୍ଧି ଯୋଗୁ ଭଲ ଦି ପଇସା ରୋଜଗାର କରିବାକୁ ଆଶା ରଖିଥିବା ଚାଷୀ ଏବେ ଚିନ୍ତାରେ।

ଅଧିକ ପଢ଼ନ୍ତୁ ଓଡିଶା ଖବର: