ବରଗଡ: ସରକାରୀ ଅଫିସରେ ଚାଲିଛି ଭଜନ କୀର୍ତ୍ତନ । ଭଜନ ଗୀତ ଗାଇ ମୃଦଙ୍ଗ ବଜାଇ ଜିଲ୍ଲା କୃଷି ଅଧିକାରୀଙ୍କ କାର୍ଯ୍ୟାଳୟରେ ଅଭିନବ ଢ଼ଙ୍ଗରେ ଧାରଣା ଦେଇ ପ୍ରତିବାଦ କରୁଛନ୍ତି ବରଗଡ଼ ଜିଲ୍ଲାର ଚାଷୀ। ଜିଲ୍ଲା ପ୍ରଶାସନ ଓ ରାଜ୍ୟ ସରକାର ଚାଷୀଙ୍କୁ ପ୍ରତିଶୃତି ଦେଇ ପ୍ରତାରଣା କରିଛନ୍ତି ଯାହାକୁ ନେଇ ଗତ ତାରିଖ ଠାରୁ ଆଜକୁ 10 ଦିନ ହେଲା ଚାଷୀ ମାନେ ଜିଲ୍ଲା କୃଷି ଅଧିକାରୀଙ୍କ କାର୍ଯ୍ୟାଳୟରେ ତାଲା ପକାଇ ଆନ୍ଦୋଳନ କରୁଛନ୍ତି ।

ମିଗଜୋମରେ ହୋଇଥିବା କ୍ଷୟକ୍ଷତି ଦାବୀ, ଇନପୁଟ ସବସିଡ଼ି ଓ ବୀମା ଟଙ୍କା ପ୍ରଦାନ ଦାବିରେ ତେଜୁଛି ଚାଷୀ ଆନ୍ଦୋଳନ। ବର୍ତମାନ ସୁଦ୍ଧା କୌଣସି ଅଫିସର ଆଲୋଚନା କରିବା ପାଇଁ ମଧ୍ୟ ଆସୀନଥିବାରୁ ଚାଷୀଙ୍କ ମଧ୍ୟରେ ତେଜୁଛି ଅସନ୍ତୋଷ। ପୂର୍ବରୁ ଚାଷୀ, ବୀମା କମ୍ପାନୀ ଓ ଜିଲ୍ଲା ପ୍ରଶାସନ ସହ ତ୍ରିପାକ୍ଷିକ ଆଲୋଚନା ହୋଇଥିଲା ଓ ଚାଷୀଙ୍କୁ ପ୍ରତିଶୃତି ମିଳିଥିଲା ହେଲେ ପ୍ରତିଶୃତି ଦେଇ ଚାଷୀଙ୍କୁ ପ୍ରତାରଣା କରିଥିବା ଚାଷୀ ଅଭିଯୋଗ କରିଛନ୍ତି। ଚାଷୀଙ୍କୁ ଇନପୁଟ ସବସିଟି ଓ ବୀମା ଟଙ୍କା ନମିଳିବାଯାଏଁ ଆନ୍ଦୋଳନ ଜାରିରହିବ ବୋଲି ଚାଷୀ ଚେତାବନୀ ଦେଇଛନ୍ତି।

ଅଧିକ ଦେଖନ୍ତୁ :

Argus News | argus news | Odisha Latest News, Breaking News, Trending News, Live TV