ଅର୍ଗସ ବ୍ୟୁରୋ: ଅଦିନିଆ ବର୍ଷାରେ 2 ପ୍ରକାର କ୍ଷତିପୁରଣ ପାଇବେ ଚାଷୀ.. ବୀମା କରିଥିବା ଚାଷୀ ଡିବିଟି ମାଧ୍ୟମରେ ପାଇବେ କ୍ଷତିପୁରଣ.. ବୀମା କରି ନ ଥିବା ଚାଷୀ ବି ପାଇବେ କ୍ଷତିପୁରଣ.. ଚାଷୀ ମେଳା ମୁଖ୍ୟମନ୍ତ୍ରୀ କହିଛନ୍ତି ବୀମା କରିଥିବା 2 ଲକ୍ଷ 61 ହଜାର ଚାଷୀ ଆଜି ଠାରୁ କ୍ଷତିପୁରଣ ପାଇବେ.. ବୀମା ଚାଷୀଙ୍କ ପାଇଁ ଆବେଦନର ସୀମାକୁ ଅଧିକ 3 ଦିନ ବଢାଇଥିଲେ ସରକାର ।

ଯେଉଁ ମାନେ ବୀମା କରିନାହାଁନ୍ତି ସେମାନଙ୍କ ରିପୋର୍ଟ ଜିଲ୍ଲାପାଳଙ୍କ ମାଧ୍ୟମରେ ଆସିଛି । ଭାଗଚାଷୀ ବି ପାଇବେ କ୍ଷତିପୁରଣ ପନିପରିବା ଚାଷୀ ଠାରୁ ଆରମ୍ଭ କରି କ୍ଷିତିଗ୍ରସ୍ତ ହୋଇଥିବା କପା ଓ ପାନ ଚାଷୀ ବି କ୍ଷତିପୁରଣ ପାଇବେ । ଏମାନଙ୍କ ସଂଖ୍ୟା 6ଲକ୍ଷ 66ହଜାର 720 । 33 ପ୍ରତିଶତ ଫସଲ କ୍ଷତି ହୋଇଥିବା ଏହି ଚାଷୀ ମାନଙ୍କ ପାଇଁ 291 କୋଟି 65 ଲକ୍ଷ ଟଙ୍କାର ବ୍ୟବସ୍ଥା କରିଛନ୍ତି ରାଜ୍ୟ ସରକାର । ଏସଡିଆରଏଫରୁ ଏହି ସହାୟତା ରାଶି ମିଳିବ ।

ଅଦିନିଆ ବର୍ଷାରେ 16 ଜିଲ୍ଲାର ଚାଷୀ କ୍ଷତିଗ୍ରସ୍ତ ହୋଇଛନ୍ତି । ଜିଲ୍ଲାପାଳଙ୍କ ପାଖରୁ ଆସିଥିବା ରିପୋର୍ଟ ଅନୁସାରେ ଗଂଜାମ ଜିଲ୍ଲାରେ ସବୁଠୁ ଅଧିକ ଚାଷ ଜମି କ୍ଷତି ଗ୍ରସ୍ତ ହୋଇଛି । ଭଦ୍ରକ, କଟକ ଢେଙ୍କାନାଳ, ଗଜପତି, ଯାଜପୁର, କଳାହାଣ୍ଡି, କେନ୍ଦ୍ରାପଡା , ଖୋର୍ଦ୍ଧା,ପୁରୀ,ରାୟଗଡା, ଜଗତସିଂହପୁର, କନ୍ଧମାଳ, ନୟାଗଡ, ନୂଆପଡା, ରାୟଗଡା ଜିଲ୍ଲାରେ ବି ଅଧିକ କ୍ଷତି ହୋଇଛି । 3 ରୁ 4 ଦିନ ଭିତରେ ଚାଷୀଙ୍କ ପାଖରେ ପଂହଁଚିବ ସହାୟତା । ସେପଟେ ଓଡ଼ିଶାର ସୁଗନ୍ଧିତ ଚାଉଳ ଯିବ ଦୁବାଇ..ଚାଷୀ ମେଳାରେ ମୁଖ୍ୟମନ୍ତ୍ରୀଙ୍କ ଉପସ୍ଥିତିରେ ଏ ନେଇ ସ୍ବାକ୍ଷରିତ ହୋଇଛି ଚୁକ୍ତିନାମା ଦୁବାଇର ଦୁଇଟି ସଂସ୍ଥା ସହ ଓଡ଼ିଶା କୃଷି ବିଭାଗର ଚୁକ୍ତି କରିଛି ।

ବରମୁଣ୍ଡା ପଡିଆରେ ତିନି ଦିନ ଧରି ଚାଲିବ କୃଷି ଓଡିଶା 2025 । ଏଥିରେ ସ୍ଥାନ ପାଇଛି 200ରୁ ଅଧିକ ଷ୍ଟଲ . ଏଥିରେ ଆଧୁନିକ କୃଷି ଯନ୍ତ୍ର ପାତି ଏବଂ କୃଷି ଜାତ ଦ୍ରବ୍ୟ ପ୍ରଦର୍ଶିତ ହେଉଛି । ରାଜ୍ୟର ବିଭିନ୍ନ ଅଞ୍ଚଳରୁ 10 ହଜାର ରୁ ଅଧିକ କୃଷକ, କୃଷି ଜିବି ମହିଳା, ସ୍ୱୟଂ ସହାୟକ ଗୋଷ୍ଠୀ, କୃଷକ ଉତ୍ପାଦକ ଗୋଷ୍ଠୀ, ଅଣ ସରକାରୀ ଗୋଷ୍ଠୀ, ପାଣି ପଞ୍ଚାୟତ ସଭ୍ୟ, କୃଷି ଉଦ୍ୟୋଗି, ରପ୍ତାନିକାରି, ଛାତ୍ରଛାତ୍ରୀ ଓ ଗବେଷକ ମାନେ ଏଥିରେ ଯୋଗ ଦେଇଛନ୍ତି ।

Argus News | argus news | -Argusnews Home: Odisha Latest News, Breaking News, Trending News, Live TV and more