ଭାଗ ଚାଷୀଙ୍କ ସମସ୍ୟା ସମାଧାନ ପାଇଁ କମିଟି ପୁର୍ନଗଠନ କରିଛନ୍ତି ରାଜ୍ୟ ସରକାର । ରାଜସ୍ଵ ଏବଂ ବିପର୍ଯ୍ୟୟ ପରିଚାଳନା ବିଭାଗର ଅତିରିକ୍ତ ମୁଖ୍ୟ ଶାସନ ସଚିବଙ୍କ ଅଧ୍ୟକ୍ଷତାରେ ୭ ଜଣିଆ କମିଟି ଗଠନ ହୋଇଛି। ଭାଗ ଚାଷୀ ଆଇନ ଆଣିବାକୁ ପରାମର୍ଶ ଦେବ ଏହି କମିଟି । ତେବେ ଏ ନେଇ ରାଜସ୍ଵ ମନ୍ତ୍ରୀ କହିଛନ୍ତି, ଭାଗ ଚାଷୀ ଆଇନ ବାବଦରେ ଆଲୋଚନା ହୋଇଛି । କେତେ ଚାଷୀ ଅଛନ୍ତି, କେଉଁ ମାନେ ଚାଷ କରୁଛନ୍ତି, ତାହାର ସଂଜ୍ଞା ମଧ୍ୟ ସଂଶୋଧନ କରିବାକୁ ହେବ । ଓଡିଶା ଲ୍ୟାଣ୍ଡ ରିଫର୍ମ ଆକ୍ଟକୁ ସଂଶୋଧନ କରିବାକୁ ପଡିବ । ଗୁରୁତ୍ଵପୂର୍ଣ୍ଣ କଥା, ଆଇନ ଆସିଲେ ସେଥିରେ ଭାଗ ଚାଷୀ ମାନଙ୍କୁ ସ୍ଵୀକୃତି ଦେଲା ପରେ ବି ଜମିର ମୂଳ ମାଲିକଙ୍କର ସ୍ଵତ୍ଵ ଅକ୍ଷୁର୍ଣ୍ଣ ରହିବ ।

ବିଧାନସଭାରୁ ମିଳିଥିବା କହୁଛି, ୨୦୧୫-୧୬ କୃଷି ଗଣନା ଅନୁସାରେ ରାଜ୍ୟରେ ଅଛନ୍ତି ୯ ଲକ୍ଷ ୫ ହଜାର ୧୮୪ ଜଣ ଭାଗ ଚାଷୀ । ସାମ୍ପ୍ରତିକ ସ୍ଥିତିରେ ରାଜ୍ୟର ପାଖାପାଖି ଅଧା ଜମି ଭାଗରେ ଚାଷ ହେଉଛି । ଜମି ମାଲିକଙ୍କ ସହ ମୌଖିକ ବୁଝାମଣା ବା ସର୍ତ୍ତରେ ବର୍ଷ ବର୍ଷ ଧରି ଚାଷ କରୁଛନ୍ତି ଭାଗଚାଷୀ । ଆଉ ଅମଳ ଫସଲର ନିର୍ଦ୍ଦିଷ୍ଟ ପରିମାଣ କିମ୍ବା ଅର୍ଥ ଜମି ମାଲିକ ଓ ଭାଗ ଚାଷୀଙ୍କ ମଧ୍ୟରେ ବଣ୍ଟା ହୁଏ । କିନ୍ତୁ କୌଣସି ଆଇନ ନଥିବାରୁ ଏବଂ ଭାଗ ଚୀଷୀ ପାଖରେ ଜମିର ରେକର୍ଡ ନଥିବାରୁ ବ୍ୟାଙ୍କ ଋଣ, ଫସଲ ବୀମା, ସବସିଡି ଓ କ୍ଷତିପୂରଣ ମିଳୁନି ।

ଭାଗଚାଷୀଙ୍କୁ ଅଧିକାର ଦେବାକୁ ବିଜେଡି ସରକାର ୨୦୧୧ରୁ ଆରମ୍ଭ ହୋଇଥିଲା ପ୍ରକିୟା । ୨୦୧୭ ଜୁନ ୧ରେ ସରକାର ଭାଗଚାଷୀଙ୍କ ଅଧିକାର ପାଇଁ ୫ ବିଭାଗର ମନ୍ତ୍ରୀଙ୍କୁ ନେଇ ଗଠନ କରିଥିଲେ ଆନ୍ତ ମନ୍ତ୍ରୀ ସ୍ତରୀୟ କମିଟି । ୧୪ ଦିନ ଭିତରେ କମିଟି ରିପୋର୍ଟ ଦେବା କଥା । ହେଲେ କମିଟି ବାରମ୍ବାର ବୈଠକ କରିବା ପରେ ବି ନିଷ୍କର୍ସ ବାହାରିଲା ନାହିଁ । ତେବେ ୨୦୧୯ ନିର୍ବାଚନ ପୂର୍ବରୁ ବିଜେଡି ସରକାର ସରକାର ଭାଗଚାଷୀଙ୍କ ଅଧିକାର ପାଇଁ କିଛି ପଦକ୍ଷେପ ନେବେ ସମସ୍ତେ ଆଶା କରିଥିଲେ । କିନ୍ତୁ ନିର୍ବାଚନ ଜିତିବା ପରେ ଭାଗ ଚାଷୀଙ୍କ କଥା ଭୁଲି ଗଲେ ପୂର୍ବ ସରକାର ।