ନୟାଗଡ: ଅଯୋଧ୍ୟାରେ ରାମ ମନ୍ଦିର ପ୍ରତିଷ୍ଠା ସହ ନୟାଗଡ଼ ଫତେଗଡ଼ ଠାରେ ପ୍ରତିଷ୍ଠା ଚାଲିଛି ଭବ୍ୟ ରାମ ମନ୍ଦିର । ସାଧୁ ସନ୍ଥଙ୍କ ଗହଣରେ ମନ୍ତ୍ରପାଠ ଓ ବେଦପାଠରେ ଗୁଞ୍ଜରିତ ହେଉଛି ପରିବେଶ । ଜଗତଗୁରୁ ଶଙ୍କରାଚାର୍ଯ୍ୟଙ୍କ ଉପସ୍ଥିତିରେ ଶ୍ରୀରାମଙ୍କ ବିଗ୍ରହ ପ୍ରତିଷ୍ଠା ହେବ । 

ତେବେ ଏହି ଅବସରରେ ପ୍ରାକୃତିକ ପରିବେଶରେ ପାହାଡ଼ ଉପରେ ଥିବା ଶ୍ରୀରାମଙ୍କ ମନ୍ଦିରର ଶୋଭାକୁ ଦ୍ବିଗୁଣିତ କରୁଛି ଫୁଲର ସାଜ୍ଜସଜ୍ଜା । ଗତକାଲି ବିଗ୍ରହଙ୍କ ନ୍ୟାସାଦିକାର୍ଯ୍ୟ ସମାପନ ହୋଇଥିବାବେଳେ ଆଜି ପ୍ରାଣ ପ୍ରତିଷ୍ଠା ପାଇବେ ମର୍ଯ୍ୟାଦା ପୁରୁଷ ପ୍ରଭୁ ଶ୍ରୀରାମ । ଦ୍ୱିତୀୟ ଅଯୋଧ୍ୟା ପାଲଟିଥିବା ଏହି ମନ୍ଦିର ପ୍ରତିଷ୍ଠା ସମାରୋହରେ ବହୁ ରାମ ଭକ୍ତଙ୍କ ସମାଗମ ହୋଇଛି । 

୧୭ ତାରିଖରୁ ମନ୍ଦିର ପ୍ରତିଷ୍ଠା ଉତ୍ସବ ଆରମ୍ଭ ହୋଇଥିବାବେଳେ ଆସନ୍ତା 24 ତାରିଖ ପର୍ଯ୍ୟନ୍ତ ଏହି ସମାରୋହ ଚାଲିବ । ତେବେ ଆଜି ଏହାର ମୁଖ୍ୟ ଉତ୍ସବ ଅନୁଷ୍ଠିତ ହେଉଛି । ରେଖ, ଭଦ୍ର, ମୋହନ ଢାଞ୍ଚାରେ ନିର୍ମିତ ଏହି ଭବ୍ୟ ମନ୍ଦିରର ଉଚ୍ଚତା 65 ଫୁଟ  ଓ ଅନେକ ସୁନ୍ଦର କାରୁକାର୍ଯ୍ୟରେ ନୟାଗଡ଼ରେ ଦ୍ୱିତୀୟ ଅଯୋଧ୍ୟାର ଭ୍ରମ ସୃଷ୍ଟି କରୁଛି ନୟାଗଡ଼ ଫତେଗଡ଼ ସ୍ଥିତ ଏହି ଭବ୍ୟ ରାମ ମନ୍ଦିର । 

ଅପେକ୍ଷାର ହେଲା ଅନ୍ତ, ବିରାଜିଲେ ପ୍ରଭୁ ରାମ