କେନ୍ଦୁ ଜଙ୍ଗଲରୁ ମିଳିଲା ମହିଳାଙ୍କ କଙ୍କାଳ

ନବରଙ୍ଗପୁର: ନବରଙ୍ଗପୁର ଜିଲ୍ଲା ଉମରକୋଟ ବ୍ଲକ ହୀରାପୁର ପଞ୍ଚାୟତର ହୀରାପୁର ଗ୍ରାମ ବୁନ୍ଦା ଭିତରେ ଜଣେ ମହିଳାଙ୍କ କକେନ୍ଦୁ ଜଙ୍ଗଲ ଙ୍କାଳ ଦେଖିବାକୁ ମଳିଛି । ମୃତଦେହର ମୁଣ୍ଡରୁ ଅଣ୍ଟା ଯାଏ କଙ୍କାଳ ଦେଖା ଯାଉଥିବାବେଳେ ଅଣ୍ଟାରୁ ତଳ ଭାଗ କୌଣସି ଜଙ୍ଗଲୀ ଜନ୍ତୁ ଖାଇ ଯାଇଥିବା ସନ୍ଦେହ କରାଯାଉଛି ।

କଙ୍କାଳରେ ଥିବା ବାମ ହାତରେ ନୀଳ ରଙ୍ଗର ଦୁଇଟି ଚୁଡି ରହିଥିବାରୁ ଏହା ଏକ ମହିଳାଙ୍କ କଙ୍କାଳ ବୋଲି ଜଣାପଡୁଛି । କଙ୍କାଳର କିଛି ଦୂରରେ କିଛି ପଡିଥିବା ଦେଖିବାକୁ ମିଳିଛି । ଏଥିରେ ଗୋଟିଏ ମୋବଇଲ ଚାର୍ଜର ଥିବା ଅନୁମାନ କରାଯାଉଛି ।

ତେବେ ସେ ଅଂଚଳରେ କୌଣସି ମହିଳା ନିଖୋଜ ନଥିବା କହିଛନ୍ତି ସ୍ଥାନୀୟ ବାସିନ୍ଦା । ତେବେ ମହିଳାଙ୍କ କଙ୍କାଳ ଜଙ୍ଗଲ ମଧ୍ୟକୁ କେମିତି ଆସିଲା, ମହିଳାଙ୍କୁ କିଏ ହତ୍ୟା କରିଛି ନା ଦୁଷ୍କର୍ମ ପରେ ହତ୍ୟା କରାଯାଇଛି ତାହା ତଦନ୍ତ ପରେ ଜଣାପଡିବ । ଘଟଣାସ୍ଥଳରେ ଉମରକୋଟ ପୋଲିସ ଓ ସାଇଣ୍ଟିଫିକ ଟିମ୍ ପହଂଚି ତଦନ୍ତ ଆରମ୍ଭ କରିଛନ୍ତି । ଘଟଣାସ୍ଥଳରେ ମାଜିଷ୍ଟ୍ରେଟ୍ ଭାବରେ ଉମରକୋଟ ଅତିରିକ୍ତ ତହସିଲଦାର ପହଂଚି ଘଟଣାର ତଦାରଖ କରିବା ସହ ପଞ୍ଚନାମା କରାଇଥିଲେ ।