ଅର୍ଗସ ବ୍ୟୁରୋ: ପାଣ୍ଡିଆନଙ୍କ ବେଳକାଳ ଠିକ୍‌ ନାହିଁ । କାରଣ ଯେଉଁପରି ଭାବରେ ବିଜେଡି ମାଟି କାମୁଡ଼ିଲା ତାହା ଲାଗି କେବଳ ତାମିଲବାବୁ ହିଁ ଦାୟୀ ବୋଲି ଖୋଦ ଦଳର ନେତା କହିଲେଣି । ନିଜେ ବୁଲିବୁଲି କୋଟି କୋଟି ଟଙ୍କା ଖର୍ଚ୍ଚ କରିଦେଲେ, ଶେଷରେ ବୁଲିବା ଲାଗି ଦିଲ୍ଲୀ ପଳାଇଗଲେ । ଭାବିଥିଲେ ସେଇଠି ଯାଇ ଆରାମ କରିବେ । ହେଲେ ସ୍ଥିତି ମୋଡ ବଦଳାଇଦେଲା । କାରଣ ଦିଲ୍ଲୀରେ ନୁହେଁ ଏବେ ବାବୁ ଆରାମ କରିବେ ଜେଲ୍‌ରେ ।

ଶ୍ରୀମନ୍ଦିର ପରିକ୍ରମା ପ୍ରକଳ୍ପରେ ଦୁର୍ନୀତି ସହ ରାଜ୍ୟରେ ବିଭିନ୍ନ ବିଭାଗରେ ଦୁର୍ନିତିରେ ଜଡିତ ଅଛନ୍ତି ପାଣ୍ଡିଆନ ଦମ୍ପତି । ସେଥିପାଇଁ ତାଙ୍କୁ ତୁରନ୍ତ ଗିରଫ କରାଯିବା ନେଇ ଏତଲା ଦାଖଲ କରିଛନ୍ତି ଜଗନ୍ନାଥ ସେନା ଆବାହକ ପ୍ରିୟଦର୍ଶନ ପଟ୍ଟନାୟକ । ଓଡିଶାକୁ ଲୁଟ୍ କରିଥିବା ପାଣ୍ଡିଆନ କାଳିଆ ସାଆନ୍ତଙ୍କୁ ଦୁଆରେ ଦୁଆରେ ଭିକ ମଗେଇଛନ୍ତି । ତେଣୁ ସେ ଜେଲ୍ ନଯିବା ପର୍ଯ୍ୟନ୍ତ ପଲ୍ଲୀ ଠାରୁ ଦିଲ୍ଲୀ ପର୍ଯ୍ୟନ୍ତ ସଂଗ୍ରାମ ଜାରି ରହିବ । ତେଣୁ ତାଙ୍କୁ ତୁରନ୍ତ ଗିରଫ କରିବାକୁ ଦାବି ହୋଇଛି ।

ବିଜେଡିର ପରାଜୟ ପରେ ଗତକାଲି ପ୍ରଥମ ଥର ସାମ୍ନାକୁ ଆସିଥିଲା ଭି. କେ ପାଣ୍ଡିଆନଙ୍କ ଫଟୋ । ପାଣ୍ଡିଆନ ବିମାନରେ ବସିଥିବା ଫଟୋ ସାମ୍ନାକୁ ଆସିବା ପରେ କୁହାଯାଉଛି ବୁଧବାର ରାତିରେ ଦିଲ୍ଲୀ ପଳାଇଛନ୍ତି ଭି.କେ ପାଣ୍ଡିଆନ୍‌ । ଦିଲ୍ଲୀରେ ପୂର୍ବରୁ ଡିଏସ କୁଟ୍ଟେ ଥିବାବେଳେ ତାଙ୍କ ସହ କିଛି ଆଲୋଚନା କରୁଥିବା ନେଇ ଚର୍ଚ୍ଚା ହେଉଛି । ଖାଲି ଏତିକି ନୁହେଁ ବିଜେଡି ବୈଠକରେ ସେ ଯୋଗ ନଦେବା, ନବୀନ ନିବାସ ଲାଇଟ ବନ୍ଦ କରି ବାହାରି ଯାଇଥିବା ଭଳି ଏପରି ଅନକେ ଚର୍ଚ୍ଚା ହେଉଛି ।

କଥା ହେଲା, କୋଟି କୋଟି ଟଙ୍କା ଦୁର୍ନୀତି କରି ପାର ହେବାକୁ ବସିଥିଲେ ପାଣ୍ଡିଆନ । ହେଲେ ସେ ଟଙ୍କା ଓଡ଼ିଆଙ୍କର ହୋଇଥିବାରୁ ପ୍ରତିଟି ଓଡ଼ିଆ ଅସନ୍ତୋଷ ଝାଡିବା ସହିତ ତାଙ୍କ ଉପରେ କାର୍ଯ୍ୟାନୁଷ୍ଠାନ ନେବାକୁ ଜୋର ଧରିଲାଣି ଦାବି ।

Argus News: ଓଡ଼ିଶାର ଖବର | Breaking News, ରାଜନୀତି, କ୍ରୀଡ଼ା ଓ Live TV