ଗଞ୍ଜାମ ଜିଲ୍ଲା ଧରାକୋଟ ବ୍ଲକ ଅନ୍ତର୍ଗତ ବାହାରପୁର ପଞ୍ଚାୟତର ଡାକିବଜା ଗ୍ରାମର ପନ୍ଦରା ସାହିରେ ଭୟାବହ ଅଗ୍ନିକାଣ୍ଡ । ନିଆଁ ଲାଗି ଜଳିଗଲା ଦଶ ବଖରା ଘର । ନିଆଁରେ ଲକ୍ଷାଧିକ ଟଙ୍କାର ସାମଗ୍ରୀ ପୋଡ଼ି ଯାଇ ନଷ୍ଟ ହୋଇ ଯାଇଥିବାବେଳେ ଘଟଣାସ୍ଥଳରେ ଧରାକୋଟ ଅଗ୍ନିଶ୍ରମ ବାହିନୀ ପହଞ୍ଚି ନିଆଁକୁ ଆୟତ୍ତ କରିଛନ୍ତି ।

ହେଲେ ଗତ କାଲି ରାତି ସାରା ୧୦ ଅଗ୍ନି ବିପନ୍ନ ପରିବାର ରାତି ତମାମ ଖୋଲା ଆକାଶ ତଳେ ନିଜର ପରିବାର ସଦସ୍ୟକୁ ନେଇ ଜୀବନ ବିତାଇଥିଲେ । ପ୍ରଶାସନ ପକ୍ଷରୁ ରାତ୍ରରେ ଶୁଖିଲା ଖାଦ୍ୟ ଦିଆ ଯାଇଥିଲା । ହେଲେ ଆଜି ସକାଳୁ ସକାଳୁ ଅଗ୍ନିବିପନ୍ନ ପରିବାର ସଦସ୍ୟମାନେ ପାଉଁଶ ତଳୁ ପୋଡ଼ିଯାଇଥିବା ସମାନ ସବୁକୁ ବାହାର କରିବାକୁ ଚେଷ୍ଟା କରୁଛନ୍ତି । ତେବେ ମୁଣ୍ଡ ତଳୁ ଚାଳ ଛପର ଉଠିଯିବା ପରେ ବାସ ହରା ହୋଇ ଯାଇଥିବା ପରିବାର ମାନେ କୋଉଠି କେମିତି ନିଜର ମୁଣ୍ଡ ଗୁଞ୍ଜିବେ ସେନେଇ ଚିନ୍ତାରେ ରହିଛନ୍ତି । ସରକାରଙ୍କୁ ସାହାଯ୍ୟ ଓ ସହଯୋଗ କରିବା ପାଇଁ ଅନୁରୋଧ କରିଛନ୍ତି ।