ସୋ' ରୁମ୍ ରେ ଲାଗିଲା ଭୟଙ୍କର ନିଆଁ
Key Points
କଟକ ଦୋଳମୁଣ୍ଡେଇରେ ଥିବା ଏକ ସୋ' ରୁମ୍ ରେ ଲାଗିଲା ଭୟଙ୍କର ନିଆଁ
କଟକ ଦୋଳମୁଣ୍ଡେଇରେ ଥିବା ଏକ ସୋ' ରୁମ୍ ରେ ଲାଗିଲା ଭୟଙ୍କର ନିଆଁ । କପଡା ଓ ବ୍ୟାଗ୍ ସୋ'ରୁମରେ ଅଗ୍ନିକାଣ୍ଡ ଘଟି ଜଳିଗଲା ସମ୍ପୂର୍ଣ୍ଣ ସୋ ରୁମ୍ । ଆଜି ଦିନ 10 ଟାରେ ପ୍ରଥମ ମହଲାରେ ଥିବା ବ୍ୟାଗ୍ ସୋ ରୁମ୍ ରେ ନିଆଁ ଲାଗିଥିଲା । ପରେ ଏହି ନିଆଁ ଦ୍ୱିତୀୟ ମହଲାକୁ ବ୍ୟାପିଯାଇଥିଲା । ଅଗ୍ନିକାଣ୍ଡ ଘଟି ହୁତୁହୁତୁ ହୋଇ ଜଳିଗଲା ସୋରୁମ୍ । ପ୍ରବଳ ଧୂଆଁ ବାହାରୁଥିବାବେଳେ ପୁରା ଅଞ୍ଚଳ ଧୂଆଁମୟ ହୋଇଯାଇଥିଲା । ନିଆଁ ଲାଗିବାର କାରଣ ଅସ୍ପଷ୍ଟ ରହିଥିବାବେଳେ ସର୍ଟ ସର୍କିଟ୍ ରୁ ନିଆଁ ଲାଗିଥିବା କୁହାଯାଉଛି । ତେବେ ଅଗ୍ନିଶମ ବାହିନୀ ପହଞ୍ଚି ନିଆଁକୁ ଆୟତ୍ତ କରିଥିବା ସୂଚନା ମିଳିଛି । ତେବେ ନିଆଁରେ ଲକ୍ଷାଧିକ ଟଙ୍କାର ସମ୍ପତ୍ତି ନଷ୍ଟ ହୋଇଥିବା ଅନୁମାନ କରାଯାଉଛି ।
ପ୍ରାୟ ଏକ ଘଣ୍ଟାର ଉଦ୍ୟମ ପରେ ନିଆଁ ଆୟତ୍ତ ହୋଇଥିବା ଜଣାପଡିଛି । ଅଗ୍ନିଶମ ବିଭାଗର 6 ଟି ଟିମ ଓ ଗାଡି ନିଆଁ ଲିଭାଇବା ପାଇଁ ନିୟୋଜିତ ହୋଇଥିଲେ। ନିଆଁ ଲାଗିବାର କାରଣ ଏବଂ ସମସ୍ତ କାଗଜ ପତ୍ର ଯାଞ୍ଚ କରାଯିବା ନେଇ ଏଏଫଓ ପ୍ରଭାତ କୁମାର ସିଂ କହିଛନ୍ତି ।
