କେନ୍ଦ୍ରାପଡା: ଦୋକାନରେ ନିଆଁ ଲାଗି ଜଳିଗଲେ ମହିଳା । ଆଜି ସକାଳ ସମୟରେ ପଟ୍ଟାମୁଣ୍ଡାଇ ବକ୍ତାରପୁର ଛକରେ ନିଜ ଘରେ ପେଟ୍ରୋଲ ବିକୁ ଥିବାବେଳେ ହଠାତ ନିଆଁ ଲାଗିଯାଇଥିଲା । ଦୋକାନ ଘର ଜଳି ଯିବା ସହ ନିଆଁ ରେ ପୋଡି ହୋଇ ଜଣେ ମହିଳାଙ୍କର ମୃତ୍ୟୁ ହୋଇଛି ।

ଦୋକାନରେ ଧୂପ ଦେବା ସମୟରେ ଦୋକାନରେ ଥିବା ପେଟ୍ରୋଲରେ ଲାଗି ଯାଇଥିଲା ନିଆଁ l ନିଆଁ ଏତେ ପ୍ରଖର ଥିଲା ଯେ ଦୋକାନ ଘର ଜଳି ଯିବା ସହ ଦୋକାନରେ ଥିବା କମଳା ସାହୁ ଜଳି ଯାଇଥିଲେ l ଘଟଣା ସ୍ଥଳରେ ହିଁ ମହିଳାଙ୍କ ମୃତ୍ୟୁ ଘଟିଛି l ଦମକଳ ବାହିନୀ ଆସି ନିଆଁକୁ ଆୟତ୍ତ କରିଥିବା ବେଳେ ପଟ୍ଟାମୁଣ୍ଡାଇ ଆଦର୍ଶ ଥାନା ପୋଲିସ ଘଟଣାସ୍ଥଳରେ ପହଂଚି ତଦନ୍ତ ଜାରି ରଖିଛନ୍ତି ।

ସେହିପରି ସକାଳୁ ସକାଳୁ ଜଗତସିଂହପୁର ଦୁର୍ଗା ବଜାର ପଞ୍ଜାବ ନ୍ୟାସନାଲ ବ୍ୟାଙ୍କରେ ଅଗ୍ନିକାଣ୍ଡ ଘଟିଛି । ଅଗ୍ନିଶମ ବାହିନୀର କର୍ମଚାରୀ ପହଞ୍ଚି ନିଆଁକୁ ଆୟତ କରୁଛନ୍ତି । ବ୍ୟାଙ୍କ ବନ୍ଦ ଥିବା ସମୟରେ ଅଗ୍ନିକାଣ୍ଡ ଘଟିଛି । ବ୍ୟାଙ୍କ ସଟର ଭାଙ୍ଗି ଅଗ୍ନିଶମ ବିଭାଗ ନିଆଁକୁ ଆୟତ କରିଛନ୍ତି । ସର୍ଟ ସର୍କିଟ ଯୋଗୁଁ ନିଆଁ ଲାଗିଥିବା ସନ୍ଦେହ କରାଯାଉଛି।