ଭୁବନେଶ୍ଵର: ନିଆଁ ଲାଗି ଜଳିଗଲା ଔଷଧ ଗୋଦାମ । ନହରକଣ୍ଟା ପୁରୀ କେନାଲ୍ ରୋଡର ପଞ୍ଚମୁଖି ନଗରରେ ଥିବା ଫାର୍ମା ୱାର୍ଲ୍ଡରେ ନିଆଁ ଲାଗିଛି । ୨ ମହଲା ବିଶିଷ୍ଟ କୋଠାରେ ଅଗ୍ନିକାଣ୍ଡ ହୋଇଥିବା ବେଳେ ଅଗ୍ନିଶମ ବାହିନୀର ୨ଟି ଟିମ୍ ନିଆଁ ଆୟତ୍ତ ପାଇଁ ଉଦ୍ୟମ କରୁଛନ୍ତି ।

ଅଗ୍ନିକାଣ୍ଡ ସମୟରେ ଔଷଧ ଗୋଦାମର ପଛ ପାଖରେ ଜଣେ କର୍ମଚାରୀ ଥିଲେ । ଅଗ୍ନିଶମ ବାହିନୀ ପହଞ୍ଚି ଗୋଦାମର ମୁଖ୍ୟ ତାଲା ଭାଙ୍ଗିବା ସହ ନିଆଁ ଲିଭାଇବା ଆରମ୍ଭ କରିଥିଲା । ଅଗ୍ନିକାଣ୍ଡର ପ୍ରକୃତ କାରଣ ଜଣାପଡ଼ି ନଥିବା ବେଳେ ସର୍ଟସର୍କିଟରୁ ନିଆଁ ଲାଗିଥିବା ଆଶଙ୍କା କରାଯାଉଛି ।

ନିଆଁରେ ଲକ୍ଷାଧିକ ଟଙ୍କାର ଔଷଧ ଜଳି ପୋଡ଼ି ନଷ୍ଟ ହୋଇଛି । ସୂଚନା ଅନୁସାରେ, ତଳ ମହଲାରେ ପ୍ରଥମେ ନିଆଁ ଲାଗିଥିଲା । ଔଷଧ ସହ ବିଭିନ୍ନ ସ୍ପିରିଟ୍ ଥିବାରୁ ଦେଖୁ ଦେଖୁ ନିଆଁ ଉପର ମହଲାକୁ ମଧ୍ୟ ବ୍ୟାପି ଯାଇଥିଲା । ଅଗ୍ନିଶମ ବାହିନୀ କର୍ମଚାରୀ ଅକ୍ସିଜେନ୍ ସିଲିଣ୍ଡର ଧରି ନିଆଁ ଲିଭାଇବା ଲାଗି ଭିତରକୁ ଯାଇଥିଲେ ।

Argus News: ଓଡ଼ିଶାର ଖବର | Breaking News, ରାଜନୀତି, କ୍ରୀଡ଼ା ଓ Live TV