ବିଦେଶୀ ମଦ ଦୋକାନ ମାଲିକଙ୍କୁ ଗୁଳିମାଡ କରି ଲକ୍ଷାଧିକ ଟଙ୍କା ଲୁଟ କଲେ ଦୁର୍ବୃତ୍ତ । ଏଭଳି ଏକ ଅଭାବନୀୟ ଘଟଣା ଘଟିଛି ଗୋରୁମହିଷାଣି ଥାନା ଅନ୍ତର୍ଗତ ଏକ ବିଦେଶୀ ମଦ ଦୋକାନରେ । ଥାନା ନିକଟରେ ଥିବା ବିଦେଶୀ ମଦ ଦୋକାନରୁ ଗୁଳି କରି ଦୁର୍ବୃତ୍ତ ଫେରାର ହୋଇଯାଇଛି ।

ସୂଚନା ଅନୁସାରେ ଦୁର୍ବୃତ୍ତ ଜଣକ ତିନୋଟି ଗୁଳି ଚଳାଇଥିବାବେଳେ ଗୋଟିଏ ଗୁଳି ଡାହାଣ ଜଙ୍ଘରେ ଲାଗିଛି । ଗୁରୁତର ଅବସ୍ଥାରେ ପରିବାର ଲୋକେ କାର ଯୋଗେ ପ୍ରଥମେ ଗୋରୁମହିଷାଣି ଡାକ୍ତରଖାନାରେ ପ୍ରାଥମିକ ଚିକିତ୍ସା କରିବା ପରେ ରାଇରଙ୍ଗପୁର ଡାକ୍ତରଖାନାକୁ ଆଣିଛନ୍ତି ।

ଗୁଳି ମାଡ଼ରେ ଗୁରୁତର ହୋଇଥିବା ବିଦେଶୀ ମଦ ଦୋକାନ ମାଲିକ ହେଲେ ସବ୍ୟସଚୀ ମହାନ୍ତି (ବିକିନା) । ତାଙ୍କ ଘର ଗୋରୁମହିଷାଣି ଥାନା ଅନ୍ତର୍ଗତ କୁଲେଇଶିଳା ବୋଲି ପୋଲିସ ପକ୍ଷରୁ ଜଣାପଡିଛି ।