ପ୍ରଥମଥର ପାଇଁ ସଚେତ ଅବସ୍ଥାରେ ବ୍ରେନ ଅସ୍ତ୍ରୋପଚାର

ପ୍ରଥମଥର ପାଇଁ ଅଚେତ ନୁହେଁ ବରଂ ସଚେତ ଅବସ୍ଥାରେ କରାଯାଇଛି ଅସ୍ତ୍ରୋପଚାର , ତାହା ପୁଣି ବ୍ରେନର। ବ୍ରେନ ମ୍ୟାପିଂ ଟେକ୍ନୋଲୋଜି ଦ୍ୱାରା ସଫଳ ହୋଇଛି ବ୍ରେନ ଟ୍ୟୁମର ଅସ୍ତ୍ରୋପଚାର । ପ୍ରଥମଥର ପାଇଁ ଓଡିଶାରେ ହୋଇଥିବା cortical ,subcortical ବ୍ରେନ ମ୍ୟାପିଂ ପ୍ରଣାଳୀରେ ଅସ୍ତ୍ରୋପଚାର ସଫଳ ହୋଇଛି ।

ଅତ୍ୟାଧୁନିକ ପ୍ରଣାଳୀରେ ଅପରେସନ କରି ରୋଗୀକୁ ସମ୍ପୂର୍ଣ୍ଣ ସୁସ୍ଥ କରିବାରେ ସଫଳ ହୋଇଛନ୍ତି ଆଇ ଏମ, ସମ୍ ହସ୍ପିଟାଲର ନ୍ୟୁରୋ ସର୍ଜନ । ଏହି ପ୍ରଣାଳୀ ଦ୍ୱାରା ଜଟିଳ ମସ୍ତିସ୍କ ଗଠନରେ ଅବସ୍ଥିତ ଟ୍ୟୁମରକୁ ସୁରକ୍ଷିତ ଭାବରେ କାଢ଼ି ପାରିଛନ୍ତି ବିଶେଷଜ୍ଞ ଟିମ । ନ୍ୟୁରୋ ସର୍ଜନ କ୍ଷେତ୍ରରେ ଏହା ଏକ ବଡ଼ ଉପଲବ୍ଧି ବୋଲି କହିଛନ୍ତି ହସ୍ପିଟାଲ କର୍ତ୍ତୃପକ୍ଷ ।

ହସ୍ପିଟାଲର ଅଭିଜ୍ଞ ଡାକ୍ତର ଓ ଅତ୍ୟାଧୁନିକ ଚିକିତ୍ସା ପ୍ରଣାଳୀ ଦ୍ୱାରା ରୋଗୀ ଜଣଙ୍କ ଏବେ ସମ୍ପୂର୍ଣ୍ର ସୁସ୍ଥ ଅଛନ୍ତି । ସୁନ୍ଦରଗଡ ଜିଲାରୁ ଆସିଥିବା ଏହି ରୋଗୀଙ୍କୁ ବାରମ୍ବାର ବାତ ମାରୁଥିଲା । ଯାହାର ଚିକିତ୍ସା ପାଇଁ ସେ ସମ ହସ୍ପିଟାଲ ଆସିଥିଲେ । ମସ୍ତିଷ୍କର ବାକ କ୍ଷମତା ଓ ଶରୀର ଚଳାଚଳ କେନ୍ଦ୍ର ନିକଟରେ ଟ୍ୟୁମର ରହିଥିବା

ଜଣାପଡିଥିଲା। ଅଚେତ ଅବସ୍ଥାରେ ସର୍ଜରୀ ଫଳରେ ଅନ୍ୟ କୋଣସି ସ୍ଥାନକୁ ପ୍ରଭାବିତ ହେବାର ସମ୍ଭାବନା ଥିବାରୁ ସଚେତ ଅବସ୍ଥାରେ ବ୍ରେନ ମ୍ୟାପିଂ ଟେକନିକ ବ୍ୟବହାର କରି ଅସ୍ତ୍ରୋପଚାର କରାଯାଇଛି । ଅପରେସନ ପରେ ରୋଗୀ ନିଜେ ବେଡ଼ରୁ ଉଠି ଚାଲିବା, କଥା କହିବାରେ କୌଣସି ଅସୁବିଧା ଅନୁଭବ କରିନଥିଲେ । ଷ୍ଟେଜ 3 ଟ୍ୟୁମର ଥିବାରୁ ତାଙ୍କୁ ରେଡ଼ିଓ ଥେରାପି ମଧ୍ୟ ଦିଆଯାଇଛି। ଆୟୁଷମାନ ଯୋଜନାରେ ସୁବିଧାରେ ଅସ୍ତ୍ରୋପଚାର ହୋଇଥିବା କହିଛନ୍ତି ରୋଗୀ।

ଏଣିକି ବ୍ରେନ ମ୍ୟାପିଂ ଦ୍ୱାରା ବ୍ରେନ ଟ୍ୟୁମରକୁ ମାତଦେଇ ହେବ । 15 ବର୍ଷରୁ ଉର୍ଦ୍ଧ୍ବ ବୟସ୍କଙ୍କର କରାଯାଇ ପାରିବ ସଚେତ ଓ ବ୍ରେନ ମ୍ୟାପିଂ ସର୍ଜରୀ । ରୋଗୀଙ୍କୁ ଆଉ ବାହାର ରାଜ୍ୟକୁ ଯିବାକୁ ପଡ଼ିବ ନାହିଁ ବୋଲି କହିଛନ୍ତି ହସ୍ପିଟାଲ କର୍ତ୍ତୃପକ୍ଷ ।