ଭୁବନେଶ୍ଵର: ସମସ୍ତଙ୍କୁ ମିଳିବ 'ସୁଭଦ୍ରା' ଟଙ୍କା । କହିଲେ ଉପମୁଖ୍ୟମନ୍ତ୍ରୀ ପ୍ରଭାତୀ ପରିଡ଼ା । ଯିଏ ଇ-କେୱାଇସି କରିବେ ସେମାନେ ଯୋଗ୍ୟ ହୋଇଥିଲେ ଟଙ୍କା ପାଇବେ । ଏବେ ୨ ଲକ୍ଷରୁ ଅଧିକ 'ସୁଭଦ୍ରା' ଆଶାୟୀ ଇ-କେୱାଇସି କରି ନାହାନ୍ତି । ସରକାର ପର୍ଯ୍ୟାପ୍ତ ସମୟ ଦେଉଛନ୍ତି ଆଶାୟୀ ଇ-କେୱାଇସି କରନ୍ତୁ ବୋଲି କହିଛନ୍ତି ଉପମୁଖ୍ୟମନ୍ତ୍ରୀ ।

ଆଧାର, ବ୍ୟାଙ୍କ ଆକାଉଣ୍ଟ ଓ ଫିଙ୍ଗର ପ୍ରିଣ୍ଟ ମେଳ ଖାଇଲେ ଆକାଉଣ୍ଟକୁ ଟଙ୍କା ଯିବ । ଚଳିତ ମାସ ଶେଷ ସୁଦ୍ଧା ଚତୁର୍ଥ ପର୍ଯ୍ୟାୟର ପ୍ରଥମ କିସ୍ତି ମିଳିବ । ଯେତେ ଜଲଦି କରିବେ, ସେତେ ଶୀଘ୍ର ମିଳିବ । ଇ-କେୱାଇସି ନ କଲେ ଏବେ ବାଦ୍ ପଡ଼ିଯିବେ । ଯେତେବେଳେ ଇ-କେୱାଇସି କରିବେ ଟଙ୍କା ମିଳିବ । ମାର୍ଚ୍ଚରେ ଇ-କେୱାଇସି କଲେ ମାର୍ଚ୍ଚ ୮ରେ ଏକାଥରକେ ୨ଟି କିସ୍ତି ପାଇବେ ।

ପୂର୍ବରୁ ଭୁଲ୍ ବଶତଃ 'ସୁଭଦ୍ରା'ରୁ ଅପ୍ଟ ଆଉଟ୍ କରିଥିବା ୩୧ ହଜାର ଆବେଦନକାରୀଙ୍କୁ ନେଇ ପ୍ରତିକ୍ରିୟା ରଖିଛନ୍ତି ଉପମୁଖ୍ୟମନ୍ତ୍ରୀ । କହିଛନ୍ତି ଏବେ ଅପ୍ଟ ଇନ କଲେଣି ୧୭ ହଜାର ମହିଳା । ବାକି ୧୪ ହଜାର ମହିଳା ଅପ୍ଟ ଇନ ନ କରି ପାରନ୍ତି । ସେମାନେ ଆୟକର ବର୍ଗର ହୋଇ ଥାଇ ପାରନ୍ତି ।

ପୂର୍ବରୁ ୫ ଲକ୍ଷ ମହିଳା କେୱାଇସି ଅପଡେଟ କରିନଥିବାରୁ ସରକାରସମୟ ଦେଇଥିଲେ । ଏବେ ବି ୨ ଲକ୍ଷରୁ ଅଧିକ ମହିଳା ଆବେଦନ କରି କେୱାଇସି ଅପଡେଟ କରି ନାହାନ୍ତି । ଜାନୁଆରୀ ଶେଷରେ ପ୍ରଥମ କିସ୍ତିର ଚତୁର୍ଥ ପର୍ଯ୍ୟାୟ ଦେବା ପୂର୍ବରୁ ସମସ୍ତଙ୍କୁ କେୱାଇସି ଅପଡେଟ କରିବାକୁ ନିବେଦନ କରିଛନ୍ତି ଉପମୁଖ୍ୟମନ୍ତ୍ରୀ ପ୍ରଭାତୀ ପରିଡ଼ା । ଏଥିସହ କେହି ଜଣେ ବି ଯୋଗ୍ୟ ହିତାଧିକାରୀଙ୍କୁ ବାଦ ଦିଆଯିବନି ବୋଲି କହିଛନ୍ତି ।