ରାତିରେ ଭୋଜି କରୁଥିଲେ, ଦିନରେ ଚାକିରି ଗଲା

ବାଲେଶ୍ବର ଜିଲ୍ଲାପାଳଙ୍କ ସରକାରୀ ବାସଭବନରେ କାର୍ଯ୍ୟରତ କନେଷ୍ଟବଳଙ୍କ ଜନ୍ମଦିନ ଭୋଜି ପଡିଲା ମହଙ୍ଗା । ଜଣେ ହାବିଲଦାର, ୪ କନ୍‌ଷ୍ଟେବଲ୍‌ ନିଲମ୍ବିତ । ଗତ ବୁଧବାର ବିଳମ୍ବିତ ରାତିରେ ଜିଲ୍ଲାପାଳଙ୍କ ରେସିଡେନ୍ସିରେ ମଦ ମାଂସ ଭୋଜି ହେଉଥିବା ଯୋଗୁଁ ଵାଲେଶ୍ବର ଏସପି ଏଭଳି କାର୍ଯ୍ୟନୁଷ୍ଠାନ ନେଇଛନ୍ତି। ଜଣେ ହାବିଲଦାରଙ୍କ ସମେତ ୪ ଜଣ କନେଷ୍ଟବଳଙ୍କୁ ନିଲମ୍ବିତ କରିଛନ୍ତି।

ନିଲମ୍ବିତ କର୍ମଚାରୀ ହେଉଛନ୍ତି କନ୍‌ଷ୍ଟେବଲ୍‌ ହେଲେ ସିଦ୍ଧେଶ୍ବର ଗୋଚ୍ଛାୟତ, ଦେବ ମାଝୀ, ସୁଧାଂଶୁ ଜେନା, ରାମଚନ୍ଦ୍ର ତପସ୍ବୀ । ନିଲମ୍ବିତ ହୋଇଥିବା ହାବିଲଦାର୍ ହେଉଛନ୍ତି ହେମନ୍ତ ବାରିକ। କାର୍ଯ୍ୟରେ ଅବହେଳା ପାଇଁ ବାଲେଶ୍ୱର ଏସ୍‌ପି ଏମାନଙ୍କୁ ସସ୍‌ପେଣ୍ଡ୍‌ କରିଛନ୍ତି। କାର୍ଯ୍ୟ ସମ୍ପାଦନରେ ଅବହେଳା ଅଭିଯୋଗ ଆସିବା ପରେ ଏସ୍‌ପି ଏହି କଡ଼ା କାର୍ଯ୍ୟାନୁଷ୍ଠାନ ଗ୍ରହଣ କରିଛନ୍ତି।