ପୁରୀ: ପୁଣି ଚିଲିକା ମଝିରେ ଫଶିଲା ଭଷାପୋଲ । ଭଷାପୋଲରେ ୩ ରୁ ଉର୍ଦ୍ଧ୍ୱ ୪ ଚକିଆ ଯାନ । ୨୦ ରୁ ଉର୍ଦ୍ଧ୍ୱ ବାଇକ ଓ ୫୦ ଉର୍ଦ୍ଧ୍ୱ ଯାତ୍ରୀ ଫସି ରହିଛନ୍ତି । ଭଷା ପୋଲରେ ରହିଥିବା ଯାତ୍ରୀ ଭୟଭିତ ରହିଛନ୍ତି । ସାତପଡ଼ାରୁ ଜହ୍ନିକୁଦା ଅଭିମୁଖେ ଯାତ୍ରୀଙ୍କୁ ନେଇ ଆସୁଥିବା ସମୟରେ ଚିଲିକା ମଝିରେ ପୁଣି ଫସି ରହିଛି ଭଷାପୋଲ ।

ଏ ପର୍ଯ୍ୟନ୍ତ ଉଦ୍ଧାର ହୋଇନାହାଁନ୍ତି ଯାତ୍ରୀ । ଚିଲିକାରେ ଏଭଳି ବାରମ୍ବାର ଅଭାବନୀୟ ଘଟଣା ଦେଖିବାକୁ ମିଳୁଛି । ଭଷାପୋଲଟି ଯାଉଥିବା ସମୟରେ ବ୍ରହ୍ମପୁର ନିକଟ ଚିଲିକା ମଝିରେ ୧ ଘଣ୍ଟା ଧରି ଅଟକି ରହିଛି । ଯାତ୍ରୀମାନେ ଭୟଭିତ ରହିଛନ୍ତି । ଚିଲିକାରେ କେତେବେଳେ ଡ଼ଙ୍ଗା ଓ କେତେବେଳେ ଭଷାପୋଲ ଫସି ରହୁଛି ।

ବାରମ୍ବାର ଯାତ୍ରୀଙ୍କ ଜୀବନ ବିପଦ ଆଡକୁ ଠେଲି ହୋଇଯାଉଛି । ଚିଲିକାର ୫ କିଲୋମିଟର ଜଳରାଶି ମଝିରେ ଏକମାତ୍ର ଯାତ୍ରୀ ଯିବା ଆସିବା ମାଧ୍ୟମ ପାଲଟିଥାଏ, ଡ଼ଙ୍ଗା ଓ ଭଷାପୋଲ । ଆଜି ଭଷାପୋଲ ସାତପଡ଼ା ଯାତ୍ରୀଙ୍କୁ ନେଇ ଯାଉଥିବା ସମୟରେ ଚିଲିକା ମଝିରେ ଫସି ରହିଛି । ଭଷାପୋଲରେ ରହିଥିବା ଯାତ୍ରୀମାନେ ଭୟଭିତ ରହିଛନ୍ତି । ତେବେ ଚ୍ୟାନେଲ ପୋତି ହୋଇଯାଇଥିବା କାରଣରୁ ଭଷାପୋଲ ଅଟକି ରହୁଥିବା ଅନୁମାନ କରାଯାଉଛି ।