କମୁଛି ବନ୍ୟା ଜଳ, ହେଲେ ଦୁର୍ଦ୍ଦଶା ବଢିବାରେ ଲାଗିଛି

କମୁଛି ବନ୍ୟା ଜଳ, ହେଲେ ଦୁର୍ଦ୍ଦଶା ବଢିବାରେ ଲାଗିଛି । ଏବେ ବି ଉତ୍ତର ବାଲେଶ୍ବରର ଅନେକ ଗାଁ ଜଳମଗ୍ନ । କେଉଁଠି ଘରେ ପାଣି ପଶିଛି ତ ଆଉ କେଉଁଠି ରାସ୍ତାରେ ଚାଲୁଛି ପାଣି । ସୁବର୍ଣ୍ଣରେଖା, ଜଳକା ଓ ବୁଢାବଳଙ୍ଗ ନଦୀରେ ବନ୍ୟା ଯୋଗୁଁ ବାଲେଶ୍ବର ଜିଲ୍ଲାର ବହୁ ଅଞ୍ଚଳ ବନ୍ୟା ଘେରରେ ରହିଛି । ବସ୍ତା ବ୍ଲକର କୁରିଆ, ଜମାଲପୁର, ବେଗୁନିଆ, ପତ୍ରଝଡା ପଞ୍ଚାୟତରେ ବନ୍ୟା ପରିସ୍ଥିତି । ସେହିପରି ଭୋଗରାଇ, ବାଲିଆପାଳର ବିଭିନ୍ନ ଗାଁରେ ଏବେ ବି ପାଣି ପଶି ରହିଛି । ହଜାର ହଜାର ହେକ୍ଟର ଜମିରେ ପରିବା ଚାଷ ବ୍ୟାପକ ଭାବେ କ୍ଷତିଗ୍ରସ୍ତ ହୋଇଛି । ସେପଟେ ରାଜଘାଟ ଠାରେ ସୁବର୍ଣ୍ଣରେଖା ଜଳ ସ୍ତର କମୁଛି । ରାଜଘାଟଠାରେ ସକାଳ ୯ଟା ସୁଦ୍ଧା ୧୦.୭୫ ମିଟରକୁ ଜଳସ୍ତର କମିଛି । ହେଲେ ଏବେ ବି ବିପଦ ସଙ୍କେତ ଉପରେ ଜଳ ପ୍ରବାହିତ ହେଉଛି ।