ବୈତରଣୀ ନଦୀର ଜଳସ୍ତର ବଢ଼ିବା ଯୋଗୁଁ ଯାଜପୁର ଦଶରଥପୁର ବ୍ଲକରେ ବନ୍ୟା । ଦୁର୍ବଳ ନଦୀବନ୍ଧ ଯୋଗୁଁ ଅନେକ ସ୍ଥାନରେ ବନ୍ଧରେ ଫାଟ...କିଛି ସ୍ଥାନରେ ଘଳିଆ ପଡି ଗାଁକୁ ପ୍ରଵେଶ କରୁଛି ବନ୍ୟାଜଳ । ଆତଙ୍କିତ ଅବସ୍ଥାରେ ଅଂଚଳବାସୀ ।  ଦଶରଥପୁର ଅଂଚଳର କାଣୀ ନଦୀରେ ବନ୍ଧ ଡେଇଁ ବନ୍ୟା ଜଳ ପ୍ରବାହିତ ହେଉଛି। ଦଶରଥପୁର ବ୍ଲକର କଣ୍ଟାପଡା, ଦତ୍ତପୁର, କସପା, କମାରଡିହି ଆଦି ଅଂଚଳରେ ବନ୍ୟା ଆଶଙ୍କା ସୃଷ୍ଟି ହୋଇଛି । ବୈତରଣୀ କୂଳରେ ଥିବା ସପ୍ତମାତୃକା ମନ୍ଦିରରେ ପଶିଲା ବନ୍ୟା ଜଳ।

ବୈତରଣୀ ବନ୍ୟାରେ ପ୍ରଭାବିତ ଭଦ୍ରକ ଜିଲ୍ଲା ଧାମନଗର ଓ ଭଣ୍ଡାରୀପୋଖରୀ ବ୍ଲକ୍। ବୈତରଣୀ ନଦୀର ଜଳସ୍ତର ଧୀରେ ଧୀରେ କମିବାରେ ଲାଗିଛି । ବନ୍ୟା ପାଣିରେ ଅନେକ ଗାଁ ଜଳବନ୍ଦୀ । ଭଣ୍ଡାରିପୋଖରୀ ବ୍ଲକ୍ ରହଣିଆ, ମାଳଦା, ନପଙ୍ଗ ଆଦି ଅଞ୍ଚଳ ଜଳମଗ୍ନ ହୋଇଛି । ସ୍କୁଲ ଓ ବନ୍ୟା ଆଶ୍ରୟସ୍ଥଳୀ ଗୁଡ଼ିକ ପ୍ରସ୍ତୁତ କରାଯାଇଛି । ଲୋକଙ୍କୁ ସୁରକ୍ଷିତ ସ୍ଥାନକୁ ଯିବା ପାଇଁ ପ୍ରଶାସନ ମାଇକ୍ ଯୋଗେ ପ୍ରଚାର କରି ସତର୍କ କରାଇଛି।

ବନ୍ୟାରେ ଭାଙ୍ଗିଲା ପୋଲ । ଭଦ୍ରକ ଭଣ୍ଡାରିପୋଖରୀ ବ୍ଲକର ଷୋଳମପୁର ପଞ୍ଚାୟତରେ ନଦୀ ପୋଲ ଭାଙ୍ଗିଛି । ଗେଙ୍ଗୁଟି ନଦୀରେ ଥିବା ପୋଲ ଭାଙ୍ଗିବା ଯୋଗୁଁ ତିଖିଲିଆ ଗାଁ ବାହ୍ୟ ଜଗତରୁ ବିଛିନ୍ନ ହୋଇଯାଇଛି। ବନ୍ୟାରେ ବୁଡ଼ିଲା ଐତିହାସିକ ଗୋଇରାଟିକିରି ମଠ । ପାଣି ଘେରରେ ମଠ ଥିବା ବେଳେ ଏଥିରେ ଫସି ରହିଛନ୍ତି ୪ବାବା, ମାତା ।

ବାଲେଶ୍ବର ଜିଲ୍ଲାରେ ସୁବର୍ଣରେଖା ନଦୀରେ ପଞ୍ଚମ ଥର ବନ୍ୟା l ଚଳିତ ବର୍ଷର ଏଥର ସବୁଠାରୁ ବଡ଼ ବନ୍ୟା ବୋଲି ଆକଳନ କରାଯାଉଛି । ବଢ଼ିବାରେ ଲାଗିଛି ନଦୀର ଜଳସ୍ତର । ନଦୀବନ୍ଧ ଦୁର୍ବଳ ଥିବା ସ୍ଥାନରେ ଜଳସେଚନ ବିଭାଗ ପକ୍ଷରୁ ନଦୀ ବନ୍ଧରେ ବାଲି ବସ୍ତା ପକାଯାଇଛି l ଲୋକଙ୍କୁ ଉଦ୍ଧାର ପାଇଁ ୫ଟି ଦେଶୀ ଡଙ୍ଗା ସହ ଓଡ୍ରାଫ ଏବଂ ଅଗ୍ନିଶମ ବିଭାଗକୁ ସଜାଗ ରଖାଯାଇଛି । ୧୩ଟି ପଞ୍ଚାୟତରେ ବନ୍ୟା ବିପନ୍ନ ପାଇଁ ଶୁଖିଲା ଖାଦ୍ୟ ସହ ଲୋକଙ୍କୁ ବାତ୍ୟା ଆଶ୍ରୟ ସ୍ଥଳୀକୁ ସ୍ତାନାନ୍ତର ପାଇଁ ସ୍ଥାନୀୟ ପ୍ରଶାସନ ସଜାଗ ଅଛି ।

ଲଗାଣ ବର୍ଷାରେ ସୁନ୍ଦରଗଡ଼ କୋଇଡା ଅଞ୍ଚଳର ଚୁନାଘାଟିରେ ବଡ଼ ଭୂସ୍ଖଳନ। ଲଗାଣ ବର୍ଷା ପ୍ରଭାବରେ ଜାତୀୟ ରାଜପଥ ୫୨୦ର ଚୁନାଘାଟିରେ ବଡ଼ ଭୂସ୍ଖଳନ ହୋଇଛି ।

ହୀରାକୁଦ କୁ 5 ଲକ୍ଷ 17 ହଜାର କ୍ୟୁସେକ ଜଳ ଇନ ଫ୍ଲୋ ରହିଥିବା ବେଳେ 3 ଲକ୍ଷ 41 ହଜାର କ୍ୟୁସେକ ନିଷ୍କାସିତ ହେଉଛି..ଆଗକୁ ଇନ ଫ୍ଲୋ କମିଲେ ପର୍ଯ୍ୟାୟ କ୍ରମେ ଗେଟ ବନ୍ଦ କରାଯିବ..ସେହିପରି ରେଙ୍ଗାଲି ରେ 3 ଟି ଗେଟ ରେ ବନ୍ୟା ଜଳ ନିଷ୍କାସିତ ହେଉଛି.. ଆଗକୁ ଗେଟ ଖୋଲିବାର ସମ୍ଭବନା ନାହିଁ..ଗତକାଲି ରାଜ୍ୟ ର କୌଣସି ଜାଗା ରେ 50 MM ରୁ ଅଧିକ ବର୍ଷା ହୋଇ ନଥିବାରୁ ବଡ଼ ବନ୍ୟା ର ଆଶଙ୍କା ନାହିଁ ।