FM କଲେଜ ଛାତ୍ରୀ ମୃତ୍ୟୁ ଘଟଣା । କଲେଜର ଆଭ୍ୟନ୍ତରୀଣ କମିଟି (IC)କୁ ତଦନ୍ତ କମିଟି ପାଖରେ ହାଜର ହେବାକୁ ନିର୍ଦ୍ଦେଶ ଦିଆଯାଇଛି । ସଦସ୍ୟଙ୍କୁ ବ୍ୟକ୍ତିଗତ ଭାବେ ହାଜର ହେବାକୁ ନିର୍ଦ୍ଦେଶ ଦିଆଯାଇଛି । ୧୮ ଓ ୧୯ ତାରିଖରେ ବ୍ୟକ୍ତିଗତ ଭାବେ ହାଜର ହେବେ IC କମିଟିର ସଦସ୍ୟ । FM କଲେଜରେ ହାଜର ପାଇଁ ବାଲେଶ୍ବ ର ଶିକ୍ଷା ନିର୍ଦ୍ଦେଶାଳୟର ନିର୍ଦ୍ଦେଶ ରହିଛି । ଆହତ ଜ୍ୟୋତିପ୍ରକାଶ ବିଶ୍ବାଳଙ୍କୁ ଛାଡ଼ି ଅନ୍ୟ ୯ ଜଣଙ୍କୁ ହାଜର ପାଇଁ ନିର୍ଦ୍ଦେଶ ଦିଆଯାଇଛି । IC ସଦସ୍ୟଙ୍କୁ ଅବଗତ ପାଇଁ ଭାରପ୍ରାପ୍ତ ଅଧ୍ୟକ୍ଷଙ୍କୁ ଚିଠି କରାଯାଇଛି । ଉଚ୍ଚ ଶିକ୍ଷା ନିର୍ଦ୍ଦେଶକଙ୍କ ଅଧ୍ୟକ୍ଷତାରେ ଗଠିତ ହୋଇଛି ତଦନ୍ତ କମିଟି ।

ଅନ୍ୟପଟେ ଆରମ୍ଭ ହୋଇସାରି ଛି କ୍ରାଇମବ୍ରାଞ୍ଚ ତଦନ୍ତ । ବାଲେଶ୍ୱର FM କଲେଜ ଛାତ୍ରୀ ମୃତ୍ୟୁ ଘଟଣାରେ ତଦନ୍ତ ଆରମ୍ଭ କରିଛି କ୍ରାଇମବ୍ରାଞ୍ଚ । କଟକ SCBରେ ଆହତ ଜ୍ୟୋତିପ୍ରକାଶ ବିଶ୍ୱାଳଙ୍କୁ ଭେଟି ପଚରାଉଚରା କରିଛି କ୍ରାଇମ୍‌ବ୍ରାଞ୍ଚ ଟିମ୍‌ । ଜ୍ୟୋତି ପ୍ରକାଶ ହେଉଛନ୍ତି ସେହି ଛାତ୍ର, ଯିଏ ଉକ୍ତ ଛାତ୍ରୀଙ୍କୁ ବଞ୍ଚାଇବାକୁ ଯାଇ ନିଜେ ଜଳିଯାଇଛନ୍ତି । କ୍ରାଇମ୍‌ବ୍ରାଞ୍ଚ ଟିମ୍‌ ତାଙ୍କଠାରୁ ସବୁ କଥା ଜାଣିବାକୁ ଚେଷ୍ଟା କରିଛନ୍ତି । ସେଦିନ କ'ଣ ଘଟିଥିଲା, ପାଖରେ କିଏ କିଏ ଥିଲେ । ସେ କାହାକୁ ଦେଖା କରିବାକୁ ଭିତରକୁ ଯାଇଥିଲେ । ନିଆଁ କେମିତି ଲାଗିଲା । ଏମିତି ନାନା ପ୍ରଶ୍ନ ପଚାରି ଘଟଣାର ତଦନ୍ତକୁ ଆଗକୁ ନେଇଛି କ୍ରାଇମ୍‌ବ୍ରାଞ୍ଚ ଟିମ୍‌ ।

ସେହିଭଳି FM କଲେଜ ପରିସରକୁ ମଧ୍ୟ ଯାଇଛି କ୍ରାଇମ୍‌ବ୍ରାଞ୍ଚ୍‌ ଟିମ୍‌ । ସେଠାରେ ମଧ୍ୟ କଲେଜ ଷ୍ଟାଫ୍‌ଙ୍କୁ ପଚରାଉଚରା କରିଛି । ଆଇଜି ଏସ୍‌ ସାଇନି ଓ ତଦନ୍ତକାରୀ ଅଧିକାରୀ କଲେଜରେ ପହଞ୍ଚିଥିଲେ । ସମସ୍ତ ଦିଗକୁ ନେଇ ତଦନ୍ତ କରାଯିବ ବୋଲି କହିଥିଲେ । ସେପଟେ ମୃତ ଛାତ୍ରୀ ରହୁଥିବା ଛାତ୍ରୀ ନିବାସ ମାଲିକଙ୍କ ପ୍ରତିକ୍ରିୟା ମଧ୍ୟ ସାମ୍ନାକୁ ଆସିଛି । ମୃତ ଛାତ୍ରୀ ଜଣକ ଭଲ ପିଲା ଥିଲେ । ଦୁଇ ମାସ ହେବ ଏଠାରେ ରହୁଥିଲେ। କଲେଜ ଛୁଟିରେ ଘରକୁ ଯାଇଥିଲେ। ଗତକାଲି ରାତିରେ ପୋଲିସ ପହଁଚି ଯାଞ୍ଚ କରିବା ସହିତ ମାଲିକଙ୍କୁ ପଚାରା ଉଚୁରା କରିଛି ।