ଭୁବନେଶ୍ଵର: ଆଜିଠାରୁ ସକାଳୁଆ ସ୍କୁଲ୍ ଆରମ୍ଭ ହୋଇଛି । ସକାଳ ସାଢେ ୬ଟାରୁ ସ୍କୁଲ୍ ଖୋଲିଥିବା ବେଳେ ପିଲା ପାଠ ପଢ଼ିବାକୁ ଆସିଛନ୍ତି । ଗ୍ରୀଷ୍ମ ପ୍ରବାହକୁ ଦୃଷ୍ଟିରେ ରଖି ରାଜ୍ୟ ସରକାର ଆରମ୍ଭ କରିଛନ୍ତି ବିଦ୍ୟାଳୟରେ ସକାଳୁଆ ପାଠପଢ଼ା । ରାଜ୍ୟର ସବୁ ସ୍କୁଲ ସକାଳ ସାଢେ ୬ଟାରୁ ଖୋଲିଛି । ସକାଳୁଆ ସ୍କୁଲ ନେଇ ବିଦ୍ୟାଳୟ ଓ ଗଣଶିକ୍ଷା ବିଭାଗ ପକ୍ଷରୁ ବିଜ୍ଞପ୍ତି ଜାରି ହୋଇଛି ।

ବିଦ୍ୟାଳୟ ସକାଳ ସାଢ଼େ ୬ଟାରେ ଖୋଲିଥିବା ବେଳେ ପାଠପଢ଼ା ଦିନ ସାଢ଼େ ୧୦ଟା ଯାଏଁ ଚାଲିବ । ପ୍ରଥମରୁ ଦ୍ଵାଦଶ ପର୍ଯ୍ୟନ୍ତ କ୍ଲାସ୍‌ ସକାଳୁଆ କରିବାକୁ ବିଜ୍ଞପ୍ତିରେ ନିର୍ଦ୍ଦେଶ ରହିଛି । ଏହି ସମୟରେ ସ୍କୁଲରେ ପାନୀୟ ଜଳ, ଓଆର୍‌ଏସ୍‌ ପ୍ୟାକେଟ ମହଜୁଦ୍ ରଖିବା ସହ ଅନ୍ୟ ଆବଶ୍ୟକ ପଦକ୍ଷେପ ନେବା ପାଇଁ ନିର୍ଦ୍ଦେଶ ଦେଇଛି ବିଭାଗ ।