ବରିଷ୍ଠ ନେତା ପ୍ରଭାତ ତ୍ରିପାଠୀଙ୍କୁ ବହୁ ପୂର୍ବରୁ ବହିଷ୍କାର କରାଯାଇଥିବା କହିଲେ ମାରିଲେ ବାଣ। ପରେ ପରେ ପ୍ରଭାତ ବି ନବୀନଙ୍କୁ ଶୁଣାଇଲେ ମୁହେଁ ମୁହେଁ। ନିଲମ୍ବିନ ପ୍ରତ୍ୟାହାରର ପ୍ରମାଣ ଦେଖାଇ କହିଲେ ମହାମିଥ୍ୟା କହିଛନ୍ତି ନବୀନ। ପ୍ରଶ୍ନ- କ୍ଷମତାରୁ ବାହାରିଲା ପରେ ନେତୃତ୍ବର କର୍ତ୍ତୃତ୍ବ ଶେଷ ହୋଇଗଲା କି । ବିଶେଷଜ୍ଞ ଆକଳନ କରିଥିଲେ- କ୍ଷମତାରୁ ବାହାରିଲେ ଦଳ ଶେଷ ହୋଇଯିବ । ବିଜେଡି ଭିତରେ ଏହି ସ୍ଥିତି କହୁଛି ସତ ହେବାକୁ ଯାଉଛି ବିଶେଷଜ୍ଞ ଭବିଷ୍ୟବାଣୀ । ୱାକଫ୍ ସାଇଡ୍ ଇଫେକ୍ଟ ଧକ୍କା, ବିଜେଡିକୁ କରିବ ଧରାଶାୟୀ ।

ପୂର୍ବରୁ ନବୀନ ଯାହା କହୁଥିଲେ, କରୁଥିଲେ ତାକୁ ବେଦର ଗାର ଭାବୁଥିଲେ ନେତା, କର୍ମୀ । ପ୍ରଭାତଙ୍କୁ ନେଇ ନବୀନ କହିଥିଲେ ସେ ଦଳରେ ନାହାନ୍ତି । କିନ୍ତୁ ଦଳର ନିଲମ୍ବନ ପ୍ରତ୍ୟହାର ନିର୍ଦ୍ଦେଶ ଓ ନବୀନଙ୍କ ସହ ନିର୍ବାଚନ ପ୍ରଚାର ଫଟୋ ଦେଖାଇ ମୁହଁ ତୋଡ଼ ଜବାବ ଦେଇଛନ୍ତି ପ୍ରଭାତ । ପ୍ରଶ୍ନ ପ୍ରଭାତ ଦଳରେ ଥିଲେ ବୋଲି ନବୀନଙ୍କର ସ୍ମରଣ ନଥିଲା, ନା ଏମିତି ତାଙ୍କୁ କୁହାଇ ଦିଆଗଲା ।

ଏତେ ସବୁ ପ୍ରସଙ୍ଗ ପରେ ନବୀନ କିନ୍ତୁ ମୁଖ୍ୟ ପ୍ରସଙ୍ଗରୁ ଏଯାଏ ପରଦା ହଟାଇ ନାହାନ୍ତି । ସସ୍ମିତ ପାତ୍ର ଦିଲ୍ଲୀ ଫେରିଥିଲେ ସୁଦ୍ଧା କୌଣସି ପ୍ରତିକ୍ରିୟା ଦେଇନାହାନ୍ତି । ତେବେ ଦଳର ବିଧାୟକ କହିଛନ୍ତି ଖୁବଶୀଘ୍ର ସେ ଉପରୁ ହଟିବ ପରଦା । ସେପଟେ ଖୁବଶୀଘ୍ର ବିଜେଡି ଭାଙ୍ଗି କିଛି ବରିଷ୍ଠ ନେତା ନୂଆ ଦଳ ଗଢିବାକୁ ଯାଉଥିବା ଦାବି କରିଛନ୍ତି ବିଜେପି ସାଂସଦ ପ୍ରଦୀପ ପୁରୋହିତ । ବିଜେଡି ଭିତରେ ପାଣ୍ଡିଆନଙ୍କୁ ନେଇ ଲାଗି ରହିଥିବା ଏହି ଝଡ଼ ନବୀନ ଙ୍କ କ୍ଲିନଚିଟ ପରେ ଥମୁଛି ନା ଅଧିକ ଉଗ୍ର ହେଉଛି ତାହା ଉପରେ ନଜର